Leyla Abdullayeva.
Saakyanın bəyanatı Ermənistanın üçtərəfli bəyanatı pozmasının etirafıdır
Bakı/29.06.22/Turan: Qarabağdakı erməni çağırışçıların müqaviləli hərbi qulluqçularla əvəzlənəcəyilə bağlı Ermənistan Silahlı Qüvvələrinin Baş Qərargah rəisinin müavini Saak Saakyanın bəyanatı Azərbaycana qanunsuz hərbi birləşmələrin göndərilməsi barədə Yerevanın növbəti etirafıdır. Bu barədə Azərbaycan Xarici İşlər Nazirliyinin rəsmi nümayəndəsi Leyla Abdullayeva Saakyanın fikirlərini şərh edərkən deyib.
"Bu, Ermənistanın 9-10 noyabr 2020-ci il tarixli üçtərəfli bəyanatı kobud şəkildə pozmasıdır”, - Abdullayeva qeyd edib.
Sözügedən bəyanatın 4-cü maddəsinə əsasən Ermənistan Silahlı Qüvvələri Azərbaycan ərazilərindən çıxarılır və paralel olaraq bu ərazilərdə Rusiya sülhməramlı kontingenti yerləşdirilir.
Rəsmi Bakı Ermənistanın üçtərəfli bəyanatın müddəalarını pozduğunu, o cümlədən qanunsuz silahlı birləşmələrini Azərbaycan ərazilərindən tam çıxarmadığını dəfələrlə bəyan edib. Azərbaycan tərəfdən münaqişə sonrası mərhələdə münasibətlərin normallaşması və sülh quruculuğu istiqamətində addımların atıldığı bir vaxtda, erməni tərəfinin belə yanaşması, Yerevanın bölgədə sülh yox, gərginlik yaratmaqda maraqlı olduğunu açıq şəkildə nümayiş etdirir.
“Ermənistan nümayəndəsinin bu bəyanatı erməni tərəfin sülhdən danışmasının riyakarlıqdan başqa bir şey olmadığını göstərir. Bu, həmçinin erməni tərəfinin təcavüzkar siyasətinin bir daha açıq şəkildə təcəssümüdür”, - Azərbaycan Xarici İşlər Nazirliyinin nümayəndəsi bildirib.
Ötən gün Ermənistan Silahlı Qüvvələrinin Baş Qərargah rəisinin müavini Saak Saakyan çağırışçıların valideynlərilə görüşündə Azərbaycanın Qarabağ bölgəsində çağırışçı əsgərlərin uzunmüddətli hərbi qulluqçularla əvəzlənəcəyini bildirib.06В
-
- Maliyyə
- 29 İyun 2022 16:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz