Sahibə Qafarova Parlamentin spikeri seçilib (yenilənib)

Milli Məclisin iclasında deputatlar səs çoxluğu ilə Sahibə Qafarovanı spiker seçiblər.

64 yaşlı Qafarova filoloqdur. O, 2010-cu ildən parlamentin deputatıdır. -0-

*   *   *

2020 Mart 10 (Çərşənbə axşamı) 12:47:40

Hakim partiya Milli Məclis rəhbərliyini tamamilə dəyişdirir

Bakı/10.03.20/Turan: Hakim Yeni Azərbaycan Partiyası martın 10-da partiyanın əksəriyyət təşkil etdiyi Milli Məclisin rəhbərliyini tamamilə dəyişdirmək qərarı qəbul edib.

Hakim partiyadakı mənbələrin verdiyi məlumata görə, Milli Məclisin spiker vəzifəsinə Sahibə Qafarova (Oqtay Əsədovun yerinə), birinci vitse-spiker vəzifəsinə Əli Hüseynli (Ziyafət Əsgərovun yerinə) irəli sürülüb. Vitse-spiker vəzifəsinə Adil Əliyev (Bahar Muradovanın yerinə) və Hicran Hüseynova (digər məlumata görə, Azay Quliyev) namizəd olub.

Bu şəxslər ölkənin yeni parlamentinin yaxın günlərdə keçiriləcək birinci iclasında qeyd edilən vəzifələrə seçilməlidirlər.

Hakim partiyadan rəsmi şərh almaq mümkün olmayıb.

Saat 11-də Milli Məclisin iclası başlayıb. -02B-