Açiq mənbələrdən foto.
Şarl Mişelin bəyanatı və İlham Əliyevin fotosu hansı detalları açıqladı?
Bakı/01.09.22/Turan: Avropa Şurası rəhbərinin Əliyev və Paşinyanla görüşündən sonra verdiyi bəyanat Ermənistan-Azərbaycan münasibətləri ətrafında gedən prosesləri düşünmək və təhlil etmək üçün xeyli əsas verib.
Hər şeydən öncə, Şarl Mişel qeyd edir ki, ötən müddətdə son görüşdə əldə edilmiş razılaşmaların həyata keçirilməsi üçün "az iş görülməyib".
Hazırkı görüşdə "Ermənistanla Azərbaycan arasında sülh müqaviləsinin irəliləməsi üzrə predmetli işə" başlanması barədə razılıq əldə olunub. İki ölkənin Xarici İşlər Nazirlikləri rəhbərlərinə "sülh sazişi layihəsinin hazırlanması" üçün bir ay ərzində görüş keçirmək tapşırılıb.
Bu, bəlkə də görüşün ən mühüm yekunudur. Sərhədlərin delimitasiyası üzrə komissiyanın növbəti görüşünün Moskvada yox, Brüsseldə keçirilməsi qərarını digər vacib nəticə saymaq olar.
Bütün digər məsələlər: əsirlər, minalardan təmizləmə və kommunikasiyalar işçi qaydasında nəzərdən keçirilib.
Mişelin iki ölkə liderinə xalqları davamlı sülhə hazırlamaq, yəni hərbi ritorikadan imtina etmək çağırışı da yeni məsələdir.
Görünür, görüşdə atmosfer müsbət olub və Şarl Mişelin fəaliyyətini yüksək qiymətləndirən dövlət başçısının köməkçisi Hikmət Hacıyevin şərhi bundan xəbər verir.
Görüşün müsbət nəticəsinin daha bir göstəricisi 2020-ci ildən sonra Əliyevlə Paşinyanın bir-birinin əlini sıxması olub. İki il ərzində ilk dəfə olaraq hər iki liderin üzündəki təbəssüm əks tərəfə qarşı düşmənçilik ifadəsini əvəzləyib. Bunun nə dərəcədə həlledici faktor olacağını yaxın gələcək göstərəcək. -02B-
-
- İqtisadiyyat
- 1 Sentyabr 2022 14:16
Siyasət
-
Çərşənbə günü səhər Türkiyənin Akinci pilotsuz təyyarəsi İran prezidentinin göyərtəsində olduğu güman edilən helikopterin qəzaya uğradığı qaynar nöqtəni aşkar edib, bu barədə yerli vaxtla saat 03:50-də İrna agentliyi məlumat verib.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
Rəy yaz