Açiq mənbələrdən foto.
Savaşda ermənilərin tərəfində iştirakda ittiham olunan Rusiya vətəndaşı 10 il müddətinə azadlıqdan məhrum edilib
Bakı/22.07.21/Turan: İyulun 22-də Bakı Ağır Cinayətlər Məhkəməsi Rusiya vətəndaşı Eduard Dubakovun barəsində hökm çıxarıb, onu 10 il müddətinə azadlıqdan məhrum edib. O, Qarabağda gedən döyüşlərdə erməni tərəfində muzdlu kimi iştirak etməkdə təqsirli bilinib.
Dubakovun son sözündə özünü təqsirli bilməyib, Qarabağda Azərbaycan hakimiyyətinin tapşırığı ilə olduğunu bildirib.
İyunun 30-da keçirilmiş iclasda bildirib ki, 2018-ci ildə Belarusda Azərbaycan xüsusi xidmət orqanları tərəfindən əməkdaşlığa cəlb olunub və onların tapşırığı ilə işğal olunmuş ərazilərə gedib.
Dubakovun sözlərinə görə, 2021-ci ilin yanvarında onu pul mükafatı və yeni tapşırıqların verilməsi üçün Bakıya çağırıblar, lakin o saxlanılıb.
İttihama əsasən, Dubakov VOMA hərbi təşkilatın tərkibində Kəlbəcərdə hərbi təlimlərdə iştirak edib.
2021-ci il yanvarın 14-də "təxribatlar törətmək məqsədilə" Türkiyədən Bakıya gəlib və saxlanılıb. Dubakova qarşı 214-3.1 (terrorizm, terrorizmin maliyyələşdirilməsi), 218.2 (cinayətkar birlikdə (təşkilatda) iştirak), 318.2 (Azərbaycanın dövlət sərhəddini qanunsuz keçmə) maddələrilə cinayət işi qaldırılıb. -02D-
Siyasət
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacıyev X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
Rəy yaz