Seçkidən iki gün qalmış ekspertlər Paşinyanla Köçəryanın bərabər populyarlığından danışırlar

Bakı/18.06.21/Turan: Çoxları iyunun 20-də Ermənistanda keçiriləcək parlament seçkilərinin nəticələrinin proqnozlaşdırılması ilə bağlı suallar verir. Amma heç bir sorğu dəqiq mənzərəni vermir. Sosioloji sorğu məktəblərinin olmadığı Ermənistanda belə araşdırmalar əks nəticələr verir.

Sorğulara görə, Köçəryanın rəhbərlik etdiyi "Ermənistan" blokunun reytinqi artır və Paşinyanın rəhbərliyilə Vətəndaş Müqaviləsi Partiyasının elektoral reytinqi aşağı düşür. Sonuncu müharibədə məğlubiyyətlə əlaqədar nüfuzdan düşüb və nəticədə hər şeyi ilə ona zidd olan fiqura -  Robert Köçəryana istək artır.

Ancaq Köçəryan da 2018-ci il hadisələri zamanı nüfuzuna dəyən xələldən tam xilas olmayıb, - yerevanlə sosioloq Qrant Mikaelyan yazır.

Bununla belə, azərbaycanlı ekspertlər erməni sosioloqlardan gələn məlumatlardan nəticə çıxarmalı olurlar.

Ermənistanda qələbə qazanmaq üçün iddiaçı o qədər də çox səs toplamamalıdır, hökuməti formalaşdırmaq üçün lazım olan qədər-  54 faiz toplamalıdır, - politoloq Fərhad Məmmədov yazır.

Paşinyan hamıdan çox səs toplaya bilər, amma çoxdan gözlənilən 54 faizi toplaya biləcəkmi?! Hazırkı sorğular Paşinyana 24-28 faiz verir, lakin bu sorğularda 35-45 faiz ya müəyyənləşdirməyib, ya da  səsverməyə getməyəcək. Yalnız sorğularda iştirak edənlərin səsini hesablayırlar. Yəni hazırkı durumda bütün vətəndaşların 24-28 faizi yekunda iştirak edənlərin 48-54 faizi ola bilər.

Populyarlığına görə ikinci olan Köçəryanın bloku nə qədər toplaya biləcəyindən və daha kiminsə kandardan keçə bilib-bilməyəcəyindən çox şey asılı olacaq. Əgər Köçəryanın ardınca daha iki-üç partiya keçərsə, Paşinyanın topladığı səslər öz əhəmiyyətini itirəcək, çünki  parlamentə keçən digərləri koalisiya formalaşdıracaqlar. Vanetsyan, Sarukyan, Armen Sarkisyanın, Babacanyan-Şirinyan blokunun şansı var. Koçaryanın bloklaşmaq şansı Paşinyandan çoxdur.

Səsvermədə iştirak edənlərin sayı həmçinin erməni cəmiyyətinin öz ümidinni gələcəyə nə dərəcədə bağladığını anlamaq üçün əhəmiyyətli olacaq. Mart ayında bu 50 faizdən bir qədər çox idi, yəni, Ermənistan ictimaiyyətinin demək olar ki, yarısı heç kimə inanmırdı və məhz onlar ölkəni tərk edərək “ayaqlarıyla səs verirlər”.

Nəhayət, Paşinyanın tərəfdarları saxtakarlığa gedəcəklər və əleyhdarlar da Köçəryanın pulunu, maliyyə ehtiyatlarını artıqlaması ilə paylamağa xəsislik etməyəcəklər. Pozuntuların qeydə alınmasından və vizual kontentdən çox şey asılı olacaq. Həmçinin növbəti gün hakimiyyət və Köçəryan tərəfdarlarının mitinqlərinin sayından çox şey asılı olacaq. Əgər Köçəryan vətəndaşların tənqidi kütləsini toplaya bilsə,  müddətsiz aksiyaya, ya da “divarda divar” təxribatına gedəcək.

Burada Moskvanın əlinin alıtnda olan ordunun rəyi vacib olacaq və Rusiya və Ermənistan müdafiə nazirlərinin tez-tez apardığı danışıqlar Rusiyanın generalitetlə idarə olunma prosesinə nə dərəcədə cəlb olunduğunu nümayiş etdirir. Fevralda ordu cəlb olunmadı, çünki Paşinyan legitim idi, indi isə saxtakarlıqla hərbçilərin hərəkətləri legitimliyin bərpası ilə bəraət alacaq. Yenə də çox şeyi küçə həll edəcək. –0—