Prezident İlham Əliyev.
Bakı/16.07.20/Turan: Ermənistan-Azərbaycan sərhədində baş vermiş gərginlikdən sonra son günlər Səfərbərlik və Hərbi Xidmətə Çağırış üzrə Dövlət Xidmətinə 150 nəfər cəbhəyə göndərilməsi üçün müraciət edib. Müraciət edənlərin 60-ı Tovuz rayonundandır. Bu barədə prezident İlham Əliyev iyulun 15-də hökumətin iclasında bildirib.
“Ona görə, mən deyirəm, dünən “Qarabağda vuruşmaq istəyirəm” deyənlər hamısı getsin öz anket məlumatını Səfərbərlik və Hərbi Xidmətə Çağırış üzrə Dövlət Xidmətinə versin. Öz ünvanını versin, orduda xidmət etmə haqqında öz arzusunu ifadə etsin və biz lazım olan vaxtda onları cəlb edəcəyik. Yoxsa kimsə gedib qışqıracaq, insanları qanunsuz əməllərə sövq edəcək, müqəddəs Qarabağ şüarı altında özünə siyasi kapital qazanacaq və sonra nə olacaq” deyə Əliyev bildirib.
Əliyev qeyd edib ki, səfərbərliyə ehtiyac yoxdur. Hakimiyyət nə vaxt nə etmək lazım olduğunu bilir. “Kimsə özündən burada küçə qəhrəmanı düzəltmək istəyirsə, bu, pis yoldur. Yoxsa kimsə özündən burada küçə qəhrəmanı düzəltmək istəyirsə, bu, pis yoldur. Mən yenə də deyirəm, dünən Şəhidlər xiyabanına yığışanların mütləq əksəriyyəti vətənpərvər insanlardır. Amma onların arasına bu ünsürlər - Azərbaycan Xalq Cəbhəsinin tör-töküntüləri girib. Onların məqsədi nə idi? Yenəmi Azərbaycanı qaranlığa qərq etmək, yenəmi vəziyyəti gərginləşdirmək? Yenə də ermənilər bundan istifadə etsinlər?”, deyə Əliyev bildirib. -06D-
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz