Bakı/28.01.19/Turan: Azərbaycanın səhiyyə naziri Oqtay Şirəliyev “Yeni koronavirusa (2019-nCoV) qarşı profilaktik tədbirlərin gücləndirilməsi barədə” əmr imzalayıb.
Sənəd tibb sanitariya-gigiyena tədbirlərinin gücləndirilməsini və dezinfeksiya tədbirlərinin həyata keçirilməsini nəzərdə tutur.
Kəskin respirator virus infeksiyasına şübhəli xəstələrin, xüsusən uşaqların və yaşlıların hospitalizasiyası üçün xüsusi palataların ayrılması və təchiz olunması nəzərdə tutulub.
Tibb müəssisələrinə tibb personalının fərdi mühafizə vasitələrindən (maskalardan) istifadə etməsinin təmin olunması, dərman preparatlarının, dezinfeksiyaedici maddələrin və digər fərdi mühafizə vasitələrinin ehtiyatının yaradılması tapşırılıb.
Həmçinin xəstəliyin baş verdiyi ölkələrdən gələn şəxslərlə bağlı tibbi müşahidənin gücləndirilməsi tapşırılıb.—06D--
Siyasət
-
Çərşənbə axşamı Binəqədi Rayon Məhkəməsi birinci qrup əlil Famil Xəlilovun ev dustaqlığına köçürülməsi haqqında vəsatəti təmin etməyib.
-
Martın 14-də Bakıda Azərbaycan Milli QHT Forumunun onuncu qurultayı keçirilib.
-
Mayın 14-də Gürcüstan parlamenti Tbilisidə bir aydır davam edən etirazlara səbəb olan xarici agentlər haqqında qanun layihəsini üçüncü və yekun oxunuşda qəbul edib. 84 deputat sənədin lehinə, 30 deputat isə əleyhinə səs verib. Səsvermə zamanı müxalif deputatlar və hakim partiyadan olan deputatlar arasında dava düşüb.
-
Azərbaycanın xarici işlər nazirləri Ceyhun Bayramov və Ukraynanın Dmitri Kuleba bazar ertəsi telefon danışığı zamanı ölkələri arasında nəqliyyat, enerji və humanitar sahələrdə əməkdaşlığın gücləndirilməsini müzakirə ediblər. Müzakirələr zamanı Azərbaycan ilə Ukrayna arasında strateji tərəfdaşlıq və tarixi əlaqələr vurğulanıb.
Rəy yaz