Sergey Lavrov: “ATƏT XİNŞ-də Dağlıq Qarabağa dair bəyanat qəbul ediləcək”

Bakı/03.12.19/Turan: Bratislavada ATƏT Xarici İşlər  Nazirlər Şurası (XİNŞ) çərçivəsində Dağlıq Qarabağa dair beştərəfli bir bəyanatın (Azərbaycan və Ermənistan xarici işlər nazirləri, habelə ATƏT-in Minsk Qrupunun həmsədrləri) qəbulu mümkündür. Bu barədə bu gün Rusiyanın xarici işlər naziri Sergey Lavrov Bakıda keçirdiyi mətbuat konfransında bildirib.

S.Lavrovun sözlərinə görə, bəyanatda son vaxtlar vasitəçilərin gördüyü işlər ümumiləşdiriləcək və əvvəllər müəyyən edilmiş prinsiplər təsdiqlənəcək.

“Əlbəttə, istərdim ki, bu, mümkün qədər beştərəfli  bəyanat olsun. Olmasa, istənilən halda, ATƏT-in Minsk Qrupu həmsədrlərinin ölkələrinin xarici işlər nazirləri ayrıca bir bəyanat qəbul edəcəklər”, - o deyib.

Öz növbəsində, Azərbaycan XİN rəhbəri E.Məmmədyarov erməni həmkarı Zöhrab Mnatsakanyanın Qarabağın statusu və təhlükəsizliyi məsələsinin prioritet olması barədə dediklərinə münasibət bildirib.

Azərbaycan tərəfi predmet danışıqlara (substantiv danışıqlara) hazırdır. Təhlükəsizlik məsələləri Azərbaycan üçün də acibdir.

“Söhbət  məcburi köçkünlərin silah səsləri altında deyil, sakit bir mühitdə geri qayıtması üçün onların təhlükəsizliyindən gedir. Azərbaycanlı əhali beş rayona, sonra iki, sonra isə Dağlıq Qarabağ bölgəsinə qayıtmalıdır. Ona görə də biz həmsədrlərdən hesabat hazırlamağı və bu təhlükəsizlik məsələlərinin həlli ilə bağlı fikirlərini bildirmələrini xahiş etdik”, - E.Məmmədyarov deyib.

O ümidvar olduğunu bildirib ki, Bratislava görüşü predmet danışıqların aparılması üzrə yeni mərhələnin başlanğıcı olacaq. –B06-