Bakı/20.11.17/Turan: Dekabrda Rusiya və Azərbaycan arasında hərbi-texniki əməkdaşlıq komissiyasının növbəti iclası keçiriləcək. Bunu Rusiyanın xarici işlər naziri Sergey Lavrov bazar ertəsi Azərbaycan XİN rəhbəri Elmar Məmmədyarovla görüşündə bildirib.
S.Lavrovun fikrincə, iki ölkə arasında qarşılıqlı fəaliyyət "Zaqafqaziyada və Xəzər regionunda təhlükəsizliyin təminatında böyük rol oynayır".
"Dünən Azərbaycan prezidenti İlham Əliyevlə görüş oldu. Onun bizim XİN-lərarası əməkdaşlığa yetirdiyi diqqətə görə səmimi təşəkkürümü bildirirəm", - S.Lavrov vurğulayıb.
"Bu, bizim həm iqtisadiyyatı, ticarəti əhatə edən çoxprofilli əlaqələrimizdə çox mühüm komponentdir. Hökumətlərarası komissiya fəal çalışır, hərbi-texniki əməkdaşlıq inkişaf edir. Dekabrda hərbi-texniki əməkdaşlıq üzrə komissiyanın növbəti iclası olacaq", - İnterfaks S.Lavrovdan sitat gətirib.
O, diqqəti iki ölkənin Təhlükəsizlik şuraları arasında əməkdaşlığın inkişafına yönəldib.
S.Lavrov Bakıya səfəri çərçivəsində Azərbaycan Diplomatik Akademiyasında çıxış edib və Qarabağ məsələsinin nizamlanmasına toxunub.
Onun fikrincə, Rusiya və ABŞ arasında münasibətlərin dalana dirənməsinə baxmayaraq, bu, iki ölkənin ATƏT-in Minsk Qrupu çərçivəsində Qarabağ nizamlanması ilə bağlı işinə təsir göstərmir.
"Əlbəttə, bir çox sahələrdə əlaqələr (RF-ABŞ) çıxılmaz vəziyyətdə olsa da, Qarabağ nizamlanması üzrə əməkdaşlıq bizim ikitərəfli məsələlərdən ziyan çəkməyib", - S.Lavrov bildirib.
O qeyd edib ki, Minsk Qrupunun həmsədrləri - Rusiya, ABŞ və Fransa bu məsələ ilə bağlı vahid mövqedən çıxış edirlər.-06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz