Глава МИД РФ Сергей Лавров
Sergey Lavrov Marat Ueldanovun məsələsini şərh edib
Moskva/16.01.19/Turan: RF XİN rəhbəri Sergey Lavrov Azərbaycanda mühakimə olunmuş Rusiya vətəndaşı, milliyyətçə erməni olan Marat Ueldanov-Qalustyanın ətrafında yaranmış vəziyyəti şərh edib.
"İstənilən ölkədə, o cümlədən MDB ölkələrində çətin vəziyyətə düşən vətəndaşlarımıza dair məsələlərə müntəzəm olaraq ikitərəfli əlaqələr zamanı toxunuruq", - nazir Moskvada mətbuat konfransında bildirib.
"Sizə bildirirəm ki, konkret bu mövzu da bu yaxınlarda azərbaycanlı həmkarlarımız ilə danışıqlar zamanı səslənib. Ümid edirəm ki, hüquqi normalara əsaslanan qərar və dialoq vasitəsilə hamını qane edəcək nəticə əldə edəcəyik, bu vətəndaşı qaytara biləcəyik", - o deyib.
Marat Ueldanov 2016-cı ilin iyulunda Azərbaycanda saxlanılıb. O, "külli miqdarda narkotik vasitənin qanunsuz əldə edilməsində, istehsalında, saxlanmasında və yayılmasında" ittiham olunub.
O, həyat yoldaşının soyadını (Ueldanov) götürüb və Bakıya bu soyad ilə gəlib.
2017-ci ilin aprelində qapalı məhkəmə iclasında M.Ueldanov səkkiz il azadlıqdan məhrum edilib. O, ittihamı rədd edərək casusluqda şübhəli bilindiyini deyib. -02B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz