Sergey Lavrov: Rusiya hərbi əsirlərin dəyişdirilməsinə yardım edəcək

Moskva/07.12.20/Turan: Cənubi Qafqaz ziddiyyətlər regionundan sabitlik regionuna çevrilir, Rusiya buna hər vasitə ilə yardım edəcək, bu barədə RF XİN başçısı Sergey Lavrov Ermənistanın yeni xarici işlər naziri Ara Ayvazyanla görüşündə bildirib.

"Ermənistanın baş naziri və Azərbaycan və RF prezidentlərinin noyabrın 9-da imzaladıqları birgə bəyanat müharibəni dayandırıb və qaçqınların və daxili köçkünlərin doğma yurdlarına qayıtmasına imkan verən razılaşmaları, iqtisadiyyatın bərpası, humanitar problemlərin həlli üzrə razılaşmaları təmin edib", deyə Lavrov bildirib.

   Rusiya Ermənistan və Azərbaycan arasında əsirlərin dəyişdirilməsinə yardım edəcək, deyə o əlavə edib və müharibənin dayandırılması haqqında əldə edilmiş sazişin qiymətini bilməyə çağırıb.

Öz növbəsində, Ara Ayvazyan Rusiyaya verdiyi böyük töhfəyə və Qarabağda atəşkəsə yönəlmiş səylərinə görə minnətdarlığını bildirib.

"Rusiya tərəfinə və Sergey Viktoroviç, şəxsən Sizə verdiyiniz böyük töhfə və münaqişə zonasında atəşin və hərbi əməliyyatların tamamilə dayandırılmasına yönəlmiş ardıcıl səyləriniz üçün dərin minnətdarlığımı bildirmək istəyirəm", deyə o bildirib. -02D-