Sərhədçilərə atəş açan şəxs zərərsizləşdirilib

Bakı/05.06.18/Turan: İyunun 4-də saat 21:40 radələrində Qusar rayonunun Yuxarı Zeyxur kəndi ərazisindəki sərhəd zastavasının yaxınlığında bir nəfərin Azərbaycanın mühafizə olunan dövlət sərhədini pozmağa cəhd göstərməsi müəyyən edilmişdir. Bu barədə Qusar rayon prokurorluğunun xəbərində deyilir.

Saxlanılması ilə bağlı qanuni tələblərə tabe olmayan sərhəd pozucusu - 1996-cı il təvəllüdlü Zeynalov Vadim Mərdanoviç hüquq mühafizə orqanları əməkdaşlarına atəş açaraq silahlı müqavimət göstərmiş, cavab tədbiri olaraq xidməti silahdan istifadə olunmaqla zərərsizləşdirilmişdir.

Meyitin üzərinə keçirilmiş baxış zamanı 1 ədəd "Makarov" tipli tapança aşkar olunaraq maddi sübut kimi götürülmüşdür.

Faktla bağlı Qusar rayon prokurorluğunda müvafiq araşdırmalar aparılır.

Rayon hüquq mühafizə orqanlarındakı mənbə bilfirib ki, Zeynalov Azərbaycan tərəfindən Rusiyaya istiqamətində sərhədi qanunsuz kecmək istəyib.-0-