![Açiq mənbələrdən foto.](https://turan.az/resized/media/2023/main/052700062705-750-500-resize.webp)
Açiq mənbələrdən foto.
Sərhəddə saxlanılan erməni hərbçilərə qarşı cinayət işi açılıb
Bakı/27.05.23/Turan: Azərbaycan Baş Prokurorluğu mayın 26-da Azərbaycan sərhədçilərinin saxladığı iki erməni hərbi qulluqçuya qarşı cinayət işi açıb.
Mayın 27-də Azərbaycan Dövlət Sərhəd Xidmətinin və Baş Prokurorluğun birgə məlumatında erməni hərbçilərin saxlanma şəraitinin təfərrüatları açıqlanıb.
Məlumata görə, mayın 26-da Zəngilan rayonunun Rəzdərə kəndi ərazisindən keçən hissədə Ermənistan Silahlı Qüvvələrinin təxribat-diversiya qrupu tərəfindən Azərbaycanın dövlət sərhədinin pozulmasının qarşısı alınıb və qrupun iki üzvü saxlanılıb.
Baş Prokurorluğun İstintaq İdarəsində aparılan araşdırma zamanı Ermənistan Silahlı Qüvvələrinin hərbi qulluqçuları Hovakimyan Harut Yuriki, Kazaryan Karen Aşoti və digərlərinin mayın 26-da saat 16.00-da qabaqcadan əlbir olaraq sərhəd-keçid və gömrük məntəqələrindən yan keçərək Azərbaycan ərazisinə qanunsuz olaraq silah və döyüş sursatı ilə daxil olmağa cəhd etmələrinə dair əsaslı şübhələr yaranıb.
Təxribat qrupu "ictimai təhlükəsizliyi pozmaq", "milli düşmənçilik zəminində insanların sağlamlığına zərər vurmaq və qətl törətmək", Azərbaycan sərhədçilərinə silahlı hücum, terror aktları və digər tədbirlər planlaşdırırmış.
Qeyd olunanlarla əlaqədar Cinayət Məcəlləsinin 206.3.2 (qabaqcadan əlbir olan bir qrup şəxs tərəfindən odlu silah və döyüş sursatının qaçaqmalçılığı), 214.2.1, 214.2.3 (terrorçuluq, qabaqcadan əlbir olan bir qrup şəxs tərəfindən odlu silahdan istifadə etməklə törədildikdə), 228.2.1 (qabaqcadan əlbir olan bir qrup şəxs tərəfindən qanunsuz olaraq odlu silah əldə etmə, daşıma, saxlama), 283.2.1 (zor tətbiq etməklə milli düşmənçiliyin salınmasına aşkar surətdə yönələn hərəkətlər etmə) və 318.2-ci (qabaqcadan əlbir olan bir qrup şəxs tərəfindən zor tətbiq etməklə Azərbaycan Respublikasının dövlət sərhədini qanunsuz olaraq keçmə) maddələrilə cinayət işləri açılıb. İstintaqın aparılması Baş Prokurorluğun İstintaq idarəsinə həvalə edilib, məlumatda deylir.
Toplanmış sübutlar əsasında Hovakimyan və Qazaryan şübhəli şəxs qismində tutularaq istintaqa cəlb olunublar.
Hazırda cinayət işi üzrə zəruri istintaq tədbirləri davam edir.
İstintaqın gedişatı və nəticəsi barədə ictimaiyyətə ətraflı məlumat veriləcək, məlumatda deyilir.
Qeyd edək ki, ümumilikdə bu maddələrə görə, erməni hərbçiləri Azərbaycanda 20 ilədək azadlıqdan məhrumolunma və ya ömürlük həbs cəzası təhlükəsi gözləyir.
Bundan öncə, bu ilin aprelində Naxçıvan Muxtar Respublikasında azmış azərbaycanlı əsgərlər Aqşin Bəbirov və Hüseyn Axundov Ermənistanda saxlanılıb. Onlar silahla sərhədi qanunsuz keçməkdə ittiham olunublar.
Mayın 8-də Aqşin Bəbirov 11,5 il müddətinə azadlıqdan məhrum edilib. Eyni zamanda qətldə ittiham olunan Hüseyn Axundov istintaq altındadır. 06B
-
- Cəmiyyət
- 27 May 2023 14:47
Siyasət
-
İyulun 24-də Azərbaycanın xarici işlər naziri Ceyhun Bayramov İsrail Xarici İşlər Nazirliyinin baş direktoru Yakov Blitşteyni qəbul edib.
-
Elton Məmmədovun deputatlığa namizədliyi saxtakarlığa görə ləğv edilib. Bu məsələ Mərkəzi Seçki Komissiyasının bugünkü iclasında müzakirə edilib. Bu barədə Mərkəzi Seçki Komissiyasının üzvü Qabil Orucov bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
-
Rusiyanın RİA-Novosti İnformasiya Agentliyinin saytına sərbəst giriş bir sutka - iyulun 23-də mümkün olub. Bundan sonra yenidən Azərbaycan ərazisində bloklanıb. Hakimiyyət nə baş verdiyini şərh etmir.
Təhsildə maliyyələşmə necə qurulmalıdır? – Nabatəli Qulamoğlu Çətin sualda
Xəbər lenti
-
- Cəmiyyət,
- 13:18
- 247
Rəy yaz