"Sərhədsiz Reportyorlar" Əfqan Muxtarlıdan sonra digər jurnalistləri də azad etməyə çağırıb
Paris/19.03.20/Turan: "Sərhədsiz Reportyorlar" dünən Berlində ailəsinə qovuşan jurnalist Əfqan Muxtarlının azad edilməsini alqışlayır və Azərbaycan hakimiyyətini hələ də həbsdə olan digər 5 jurnalisti azad etməyə çağırır. Bu barədə mətbuat azadlığını müdafiə təşkilatının Tvitter-dəki hesabında deyilir.
2017-ci ildə Azərbaycan hökumətində korrupsiya haqqında araşdırmalarından sonra gizləndiyi Gürcüstanda Azərbaycanın hüquq-mühafizə orqanlarının əməkdaşları tərəfindən oğurlanmış Əfqan Muxtarlı 2018-ci ilin yanvarında 6 il azadlıqdan məhrumetmə cəzasına məhkum edilib.
Dünən o, cəzasının qalan hissəsindən azad edilib və Almaniyaya göndərilib.
"Sərhədsiz Reportyorlar"ın Almaniyadakı nümayəndəliyi və bu ölkənin hökuməti Muxtarlının azad edilməsində əsas rolu oynayıb. -02D-
Siyasət
-
Çərşənbə günü Sankt-Peterburqda MDB liderlərinin ilcasında Rusiya prezidenti Vladimir Putin Aktauda təyyarə qəzasında adamların həlak olması əlaqədar başsağlığı verib.
-
Bakı-Qroznı reysilə uçan Embraer 190 sərnişin təyyarəsinin qəzaya uğraması ilə əlaqədar dekabrın 26-da Azərbaycanda matəm elan edilib.
-
Azərbaycan Prezidenti İlham Əliyev bazar ertəsi Sankt-Peterburqda keçirilən MDB-nin qeyri-rəsmi sammitinə gedərkən Qazaxıstanın Aktau şəhəri yaxınlığında Azərbaycan təyyarəsinin qəzaya uğraması barədə məlumat aldıqdan sonra gözlənilmədən Bakıya qayıtdı.
-
Ermənistanın baş naziri Nikol Paşinyan bu gün AZAL-ın təyyarə qəzasında həlak olanların ailələrinə başsağlığı verib.
Rəy yaz