Serj Sarkisyan İlham Əliyevin fikirlərini təkzib edib

Ermənistan rəhbəri Serj Sarkisyan Haaqada nüvə təhlükəsizliyi sammitindəki çıxışı zamanı Metsamor AES-in ekologiyaya təhlükə olması barədə prezident İlham Əliyevin fikirlərini şərh edib.

“Qeyd etmək istərdim ki, biz Ermənistan AES-in təhlükəsizlyinin təminatı məsələsində Beynəlxalq Atom Enerjisi Agentliyi ilə sıx əməkdaşlıq edirik və agentliyin 640 saylı texniki sənədi ilə müəyyən olunmuş tələblərə ardıcıl əməl edirik. MAQATE tərəfindən OCAPT missiyasının nəticələri bunu təsdiqləyir”, - o bildirib.

“Radioaktiv tullantılarla bağlı problemlərin olması barədə şayiələrə gəlincə, bu cür yalanlar ilk növbədə beynəlxalq qurumlara inamsızlıq deməkdir. Çünki biz öz proqramlarımızı Beynəlxalq Atom Enerjisi Agentliyi ilə koordinaiya edirik”, - S.Sarkisyan vurğulayıb.

Xatırladaq ki, sammitdə prezident İ.Əliyev bildirib ki, Ermənistan AES region üçün təhlükədir, çünki onun avadanlğı və texnologiyası köhnəlib. AES-in radioaktiv tullantıları Dağlıq Qarabağ ərazisini zəhərləyir. -02В-