Siyasi Məhbusların Azadlığı uğrunda İttifaq Əli Kərimlinin və digər müxalifətçilərin saxlanılmasını pisləyib

Bakı/18.11.18/Turan: Siyasi Məhbusların Azadlığı uğrunda İttifaq (SMAİ) bəyanat yayaraq, noyabrın 17-də Demokratik Qüvvələrin Milli Şurası və AXCP nümayəndələrini Şəhidlər Xiyabanını ziyarətinə polis müdaxiləsini qətiyyətlə pisləyib.

SMAİ tədbir iştirakçılarının kütləvi şəkildə saxlanılmasını, AXCP lideri Əli Kərimli və digər fəalların inzibati məsuliyyətə cəlb edilməsini qanunsuz hesab edir.

Onlar İnzibati Xətalar Məcəlləsinin icazəsiz mitinqlərin təşkilinə və onlarda iştiraka görə cəza nəzərdə tutan 513.1 və 513.2-ci maddələri ilə ittiham olunurlar. "SMAİ hakimiyyətin qanunsuz əməllərini qətiyyətlə pisləyir və onları Avropa İnsan Hüquqları və Azadlıqları Konvensiyasında zəmanət verilmiş fundamental azadlıqların pozulması kimi qiymətləndirir", deyə təşkilatın əlaqələndiricisi Elşən Həsənov bildirib.

SMAİ hakimiyyəti Əli Kərimli və digər fəalları dərhal azad etməyə çağırıb.

"SMAİ bu ilin noyabrında Siyasi Məhbusların Monitorinqi Mərkəzinin rəhbəri Elşən Həsənov, Sülh və Demokratiya İnstitutunun direktoru Leyla Yunus, Azərbaycan Ziyalılar İttifaqının sədri Eldəniz Quliyev və "Tolışi Sədo" qəzetinin baş redaktoru Hilal Məmmədov tərəfindən təsis edilib. -06B-