Açiq mənbələrdən foto.
Bakı/19.05.20/Turan: İnsan alveri və qanunsuz miqrasiyanın arxasında Xalq Cəbhəsi Partiyasının sədri Əli Kərimli dayanır. Bu "sensasiyalı" bəyanatı parlamentin bugünki iclasında hakim Yeni Azərbaycan Partiyasının icraçı katibinin müavini Siyavuş Novruzov səsləndirib.
İnsan alveri üzrə milli əlaqələndiricinin hesabatının müzakirəsi zamanı o bildirib ki, Azərbaycan vətəndaşlarına Avropada qaçqın statusu almaq üçün saxta arayışlar verilməsi ilə Kərimlinin birbaşa əlaqəsi var.
"Almaniya, İtaliya, Fransa polisində bu barədə kifayət qədər sənəd var. Azərbaycan vətəndaşlarının saxta arayışlar vasitəsilə faktiki olaraq Avropaya satılması müəyyən edilib. Hər bir müxalifət partiyasında 150-200 belə insan var. Hesab edirəm ki, milli əlaqələndiricinin hesabatlarında bu məsələlər əksini tapmalıdır", deyə Novruzov bildirib.
O, öz "kəşfinin" mənbəyini açıqlamayıb. -16D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz