Şoyqu Əliyevlə Qarabağdakı vəziyyəti müzakirə edib

Bakı/21.11.20/Turan: Azərbaycan Prezidenti İlham əliyev şənbə günü Yerevandan Bakıya gələn Rusiyanın müdafiə naziri Sergey Şoyqunu qəbul edib.

Görüşdə Azərbaycanın müdafiə naziri Zakir Həsənov və digər rəsmi şəxslər iştirak ediblər.

"Bu gün biz Rusiya, Azərbaycan və Ermənistan prezidentlərinin imzaladıqları üçtərəfli bəyanatın həyata keçirilməsi ilə bağlı məsələləri müzakirə edəcəyik. Fikrimizcə, bəyanatın müddəaları uğurla həyata keçirilir və bu, həm Azərbaycan, həm də Ermənistan tərəfinin qədim münaqişəyə son qoymağa və siyasi nizamlanmaya nail olmağa hazır olduğunu bir daha nümayiş etdirir",- deyə Əliyev Şoyqu salamlayaraq bildirib.

Əliyevin sözlərinə görə,"44 gün Sslahlı mübarizədən, Sslahlı hərəkətlərdən sonra sənəd imzalanıb.

Prezident  bu mühüm siyasi sənədin hazırlanmasında və qəbul edilməsində şəxsən fəal iştirak etdiyinə görə Şoyqa, Rusiya rəhbərliyinə və prezident Putinə minnətdarlığını bildirib.

Azərbaycan ordusu parlaq hərbi qələbə qazandı və biz bununla siyasi nizamlama müstəvisinə keçdik", - deyən Əliyev Azərbaycan ordusunun Ağdam şəhərinə, işğal olunmuş Ağdam rayonunun qalan hissəsinə daxil olduğunu bildirdi. Bu planın  maddələrinə uyğun gəlir.

Prezident Azərbaycan strukturları və Ermənistan tərəfi ilə sıx əlaqədə fəaliyyət göstərən Rusiya Federasiyasının sülhməramlı missiyasının genişləndirilməsini alqışlayıb.

"Hesab edirəm ki, bu, vəziyyətin sabitləşməsinin vacib amilidir və bəyanat imzalandıqdan sonra atəşkəs rejiminin ciddi şəkildə pozulması baş verməyib. Və mən əminəm ki, bu olmayacaq", - deyə Əliyev bildirib.

O, Azərbaycan ərazisində atəşkəs rejiminin Monitorinq Mərkəzinin yaradılması barədə Rusiya ilə Türkiyə arasında danışıqların fəal şəkildə irəliləməsini alqışlayıb.

"Biz bunu bu regionda sabitliyin və təhlükəsizliyin möhkəmləndirilməsinin çox vacib elementi hesab edirik", - deyə Əliyev bildirib.

Azərbaycanın dövlət başçısı ümidvar olduğunu bildirdi ki, "bugünkü atəşkəs və Ermənistanla münasibətlərin normallaşdırılması üzrə gələcək planlarımız Ermənistan tərəfindən müsbət qarşılansa, regionda yeni vəziyyət, əməkdaşlıq vəziyyəti, sabitliyin və təhlükəsizliyin möhkəmləndirilməsi vəziyyəti yarada bilər. Bundan hamı qazanacaq. Regionumuzun xalqları, qonşularımız və bütövlükdə dünya daha da təhlükəsiz olacaqdır."

Rusiyanın müdafiə naziri bildirmişdir ki, plan Rusiya, Azərbaycan və Ermənistan dövlət başçıları tərəfindən qəbul edildikdən sonra o qədər də çox vaxt keçməmişdir, lakin sülhməramlı kontingent, sülhməramlı qüvvələr müəyyən edilmiş mövqeləri tutmuşlar, yəni təmas xəttində təhlükəsizliyin təmin edilməsi üçün şose istiqamətində 23 post nəzarətə götürülmüşdür. Qaçqınların qayıtması başlandı. İndiyə qədər yaranmış bütün işlər, şübhəsiz ki, öz nəticəsini verir.

"Qeyd etdiyiniz kimi, bu müddət ərzində, ola bilsin ki, cüzi atışmalar hesab etdiyimiz nadir atəşlər istisna olmaqla, atəşkəs rejiminə əməl edilir və əminəm ki, bu, davam edəcək", - deyə Sergey Şoyqu bildirib.-0-