![Açiq mənbələrdən foto.](https://turan.az/resized/media/2021/main/090300037881-750-500-resize.webp)
Açiq mənbələrdən foto.
Sülhməramlıların komandanı Qarabağda həbs edilmiş Azərbaycanlı hərbiçiyə baş çəkib
Bakı/03.09.21/Turan: Dağlıq Qarabağda Rusiya sülhməramlı kontingentinin komandanı general Rüstəm Muradov sentyabrın 3-də Qarabağda həbsdə olan Azərbaycanlı hərbi qulluqçu Cəmil Babayevə baş çəkib. Bu barədə Ermənistan KİV-ləri sülhməramlıların qərargahına istinadla məlumat yayıb.
“Muradov Babayevin saxlanma şəraiti və sağlamlıq vəziyyəti ilə tanış olub. Babayevin xahişi ilə ona doğmaları və ailə üzvləri ilə əlaqə saxlamaq imkanı yaradılıb”, deyə məlumatda bildirilir.
Cəmil Babayev avqustun 25-də Ağdərə (Martakerd) şəhərində girdiyi evdə saxlanılıb. Ermənistan tərəfin versiyasına görə, o, yemək və siqaret istəyib. Evdə olan şəxslər polis çağırıblar.
Öz növbəsində, Azərbaycan Müdafiə Nazirliyi Babayevin Gəncədəki hospitalın psixiatriya bölməsini özbaşına tərk edərək Qarabağa getdiyini bildirib. Hazırda onun barəsində həm erməni separatçılar, həm də Azərbaycanın hüquq-mühafizə orqanları tərəfindən cinayət işi açılıb. -02D-
-
- İqtisadiyyat
- 3 Sentyabr 2021 14:30
-
- Maliyyə
- 3 Sentyabr 2021 15:44
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz