Lieutenant-General Aleksei Avdeev
Bakı/13.05.21/Turan: Rusiya Cənub Hərbi Dairəsi komandanının muavini bu ölkənin Qarabağdakı sülhməramlı qüvvələrinin komandanı təyin edilib, - Rostovda nəşr olunan DonDay.ru saytı məlumat verib.
General-leytenant Aleksey Avdeyev Rüstəm Muradovu əvəz edəcək.
Avdeyev artıq Qarabağa gəlib və yaxın vaxtlarda öz vəzifəsinə başlayacaq, - Rostov saytı xəbər verir.
Lakin sülhməramlıların fəaliyyətini işıqlandıran Rusiya Müdafiə Nazirliyinin rəsmi saytında yeni təyinat haqda məlumat yoxdur.
General Avdeyev 17 may 1967-ci ildə Daşkənddə anadan olub. Sverdlovsk Suvorov Hərbi Məktəbini bitirib. Müxtəlif komanda vəzifələrində xidmət edib.
2019 - cu ildən Cənub Hərbi Dairəsinin qoşun komandanının müavinidir.
Yerevanın "Qraparak"saytı da Muradovun dəyişdirilməsi haqda məlumat verib. -0-
Siyasət
-
İstanbul Universitetinin dioktorantı, 146 gündür həbsxanada aclıq edən Fazil Qasımov quru aclığa keçəcəyini bildirib. Bu barədə onun ailəsi noyabrın 5-də Fazil Qasımov ilə telefon danışığından sonra “Amerikanın səsi”nə bildirib.
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Ukraynanın Azərbaycandakı səfirliyi bildirir ki, 9 noyabr 2024-cü il saat 12:00-da Bakıda Ukrayna Mərkəzinin açılışı olacaq. Əvvəlcə Azərbaycanda Ukrayna mədəniyyətini, dilini, irsini və təhsilini təbliğ etmək üçün yaradılmış Ukrayna Mərkəzi təmir edilib və genişləndirilib.
-
1 saylı Bakı İstintaq Təcridxanasında fəal Nicat İbrahimin vəziyyəti kəskin pisləşib. Bu barədə Turan-a onun xanımı Pərvanə İbrahim bildirib.
Rəy yaz