Tehran Bakıya diktə etməyə çalışada,  reallıqla barışmağa məcburdur

Bakı/01.01.23/Turan: Yeni il ərəfəsində Azərbaycan və İran xarici işlər nazirləri arasında telefon danışığı olub. İran Xarici İşlər Nazirliyinin saytı xəbər verir ki, tərəflər ikitərəfli münasibətlərin mühüm məsələlərini müzakirə ediblər.

Hüseyn Abdullahian 2023-cü ilin başlanğıcı münasibətilə Azərbaycan hökumətini və xalqını təbrik edib və ümid etdiyini bildirib ki, yeni ildə Tehran və Bakı arasında münasibətlər “siyasi və iqtisadi sahədə genişlənəcək”. O, İranın Azərbaycanla nəqliyyat və tranzit sektorunda əməkdaşlığı inkişaf etdirməyə hazır olduğunu bildirib.

“bdollahian İranın regionda xarici dövlətlərin olması ilə razılaşmadığını təsdiqləyərək, region ölkələrinin müsbət yanaşma ilə problemləri düzgün həll etməyə qadir olduğunu vurğulayıb”.

O, daha sonra hər iki ölkədə KİV-in fəaliyyəti üçün işçi qrupların yaradılmasını və iki ölkə arasında sərhəd Araz çayının su çatışmazlığı və çirklənməsinin öyrənilməsini təklif edib.

Öz növbəsində, Azərbaycan XİNi bildirib ki, dekabrın 31-də söhbət zamanı tərəflər ikitərəfli ticarət-iqtisadi və nəqliyyat layihələrinin həyata keçirilməsini müzakirə ediblər.

Tərəflər iqtisadi, ticarət və humanitar sahələrdə əməkdaşlıq üzrə ikitərəfli komissiyanın işini aktivləşdirmək üçün qarşılıqlı istəklərini ifadə ediblər. Regiondakı münaqişədən sonrakı vəziyyət və digər regional məsələlər də müzakirə olunub. -02B-