![BMT Təhlükəsizlik Şurası Laçın dəhlizində yaranmış vəziyyətə görə Bakını pisləyən bəyanatı qəbul etməyib](https://turan.az/resized/media/2023/main/123100056273-750-500-resize.webp)
BMT Təhlükəsizlik Şurası Laçın dəhlizində yaranmış vəziyyətə görə Bakını pisləyən bəyanatı qəbul etməyib
Bakı/01.01.23/Turan: BMT Təhlükəsizlik Şurasının Laçın dəhlizi ətrafında vəziyyətlə bağlı bəyanatı Fransanın mövqeyinə görə qəbul edilməyib. Bu barədə dekabrın 31-də Rusiyanın BMT-dəki daimi nümayəndəsinin birinci müavini Dmitri Polyanski məlumat verib.
"İrəvanın tələbi ilə bu prosesi fransızlar koordinasiya edirdi və onlar bizim təkliflərimizin böyük əksəriyyətinə məhəl qoymayıb, eyni zamanda Təhlükəsizlik Şurasının digər üzvlərinin düzəlişlərini nəzərə alıblar. Parisin bu natəmizliyi göz qabağındadır", - Polyanski vurğuladı.
"Həm Bakı, həm də İrəvanın dəstəklədiyi dörd birgə bəyanat normallaşma üçün əsas olaraq qalır. Lakin Fransa hazırladıgı bəyanat üzərində iş zamanı Qərb tərəfdaşlarımız bu sənədləri və Rusiya sülhməramlılarının səylərini qeyd etməyə cəsarət tapmadılar", deyə Polyanski qeyd edib.
Diplomat bildirib ki, “qərblilər” münaqişənin həlli üçün tədbirlər hazırlamağa deyil, Təhlükəsizlik Şurasından bəyanat qəbul etməyə çalışırlar.
Qeyd edək ki, bəyanatın mətninin müzakirəsi 10 gün davam edib. Sənəddə Qarabağdakı vəziyyəti “humanitar fəlakət” adlandırılır və Bakının hərəkətlərini pislənir.
Böyük Britaniya, Birləşmiş Ərəb Əmirlikləri, Albaniya və Rusiya mətnə öz təkliflərini veriblər. Lakin Fransa onları qəbul etməyib. Konsensus olmadığına görə Fransa Parisin dekabrın 20-də Təhlükəsizlik Şurasının iclasında təqdim etdiyi bu sənədi geri götürmək məcburiyyətində qalıb. -02B-
-
- Siyasət
- 1 Yanvar 2023 20:39
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz