Nasser Kan'ani
Tehran yenə də Bakını İsrailin həqiqi niyyətləri barədə xəbərdar edir
Bakı/01.04.23/Turan: İrana qarşı vahid cəbhənin yaradılması ilə bağlı İsrailin xarici işlər nazirinin azərbaycanlı həmkarına ünvanladığı fikirlərə reaksiya verən İran Xarici İşlər Nazirliyinin nümayəndəsi Nasser Kanani Tvitter-də yazıb: "Biz Azərbaycan hökumətindən sionist rejimin xarici işlər nazirinin İrana qarşı vahid cəbhənin formalaşdırılması haqda Azərbaycanla sazişinə dair bəyanatına açıqlama verməsini xahiş etdik.
Azərbaycan Xarici İşlər Nazirliyinin nümayəndəsi cavab verməməyə çalışdı və bunun əvəzinə İrana qarşı yeni ittihamlar irəli sürdü", - Kanani davam edib.
"Məgər sükutun davam etdirilməsi Bakının strateji tərəfdaşının [Təl-əviv rejiminin] bəyanatlarının gizli təsdiqi deyilmi", - İran nümayəndəsi əlavə edib.
"Müsəlman ölkələrinə yaxınlaşaraq, cinayətkar sionist rejim öz ekspansionist məqsədlərinə çatmaq üçün islam ümmətində mübahisələr və parçalanma toxumu səpməyə çalışır", - o deyib.
"Biz Azərbaycandakı müsəlman qardaş və bacılara sionist düşmənin əsl niyyətlərindən xəbərdar olmağı məsləhət görürük",-iranlı diplomat Tvitter-də yazıb.
İran nümayəndəsi bu şərhləri Azərbaycan Respublikası Xarici İşlər Nazirliyinin Tehranı bu ölkə parlamentinin üzvünün qətlinə bağlılıqda səhvən ittiham edən nümayəndəsinin bəyanatına cavab olaraq verib, Mehr agentliyi qeyd edir.
İsrailin xarici işlər naziri Eli Koen martın 29-da Tel-Əvivdə Azərbaycanın XİN başçısı Ceyhun Bayramovla birgə mətbuat konfransında belə deyib: "İran regionumuzu təhdid edir, terrora dəstək verib maliyyələşdirməklə Yaxın Şərqdə qeyri-stabillik yaradır. Biz İrana qarşı birgə hərəkət etməliyik. İranın nüvə imkanlarını genişləndirməsinə imkan verməməliyik".
Siyasət
-
Çərşənbə günü səhər Türkiyənin Akinci pilotsuz təyyarəsi İran prezidentinin göyərtəsində olduğu güman edilən helikopterin qəzaya uğradığı qaynar nöqtəni aşkar edib, bu barədə yerli vaxtla saat 03:50-də İrna agentliyi məlumat verib.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
Rəy yaz