Açiq mənbələrdən foto.
Bakı/22.10.23/Turan: Tehranda "3+2" formatında (Azərbaycan, Ermənistan, İran, Rusiya, Türkiyə) xarici işlər nazirlərinin görüş başlayıb.
IRNA-nın məlumatına görə, görüşdə Azərbaycanı xarici işlər naziri Ceyhun Bayramov təmsil edir.
İclasda eyni zamanda Türkiyə, Rusiya, İran, Ermənistan xarici işlər nazirləri Hakan Fidan, Sergey Lavrov, Hüseyn Əmir Abdullahiyan və Ararat Mirzoyan iştirak edir.
İran Xarici İşlər Nazirliyinin binasında "Cənubi Qafqazda sülh, əməkdaşlıq və tərəqqi" devizi altında baş tutan görüşdə siyasi, iqtisadi, təhlükəsizlik, nəqliyyat, enerji sahələrində regional əməkdaşlıq məsələləri müzakirə edilir.
IRNA Agentliyi həmçinin qeyd edir ki, bu gün İran prezidenti İbrahim rəisi Azərbaycan və Ermənistan XİN başçılarını ayrı-ayrılıqda qəbul edib. 16D
Siyasət
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
-
İran ABŞ-ın sərhəd nəzarətində ixtisaslaşmış işçi qrupunun Ermənistana planlaşdırılan səfəri ilə bağlı heç bir narahatlıq ifadə etməyib. Bu barədə Ermənistanın xarici işlər nazirinin müavini Paruyr Hovhannisyan parlamentdə jurnalistlərə açıqlama verib.
Rəy yaz