Anar Eyvazov
Bakı/20.09.23/Turan: Azərbaycan hərbçiləri keçmiş Ağdərə rayonundakı Təpəkənd (ermənilər Tonaşen kəndi adlandırırlar) hərbi hissəni məhv ediblər. Bu barədə səhər brifinqdə Azərbaycan Mqdafiə Nazirliyinin mətbuat xidmətinin rəisi Anar Eyvazov bildirib.
Onun sözlərinə görə, ümumilikdə Qarabağda lokal xarakterli antiterror tədbirləri uğurla davam edir.
Ermənistan Silahlı Qüvvələrinin 6 ədəd tam komplektləşdirilmiş "Ural" hərbi avtomobili və 4 minaatanı Azərbaycan ordusunun bölmələri tərəfindən qənimət kimi götürülüb.
O, erməni silahlı qüvvələrinə silahları yerə qoyub təslim olmaq çağırışını təkrarlayıb.
Yalnız belə olduğu halda antiterror tədbirləri dayandırılacaq, Eyvazov qeyd edib. "Eyni zamanda, biz bölgədə yaşayan erməni sakinləri erməni silahlı qüvvələrinin bölmələrinə yaxınlaşmamağa və onları dəstəkləməməyə çağırırıq. Hərbi qulluqçularımız müxtəlif yollarla bu çağırışları çap vərəqələrində yerli əhaliyə və silahlı qüvvələrə çatdırırlar", - Anar Eyvazov deyib. 06B
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz