![Açiq mənbələrdən foto.](https://turan.az/resized/750/500/resize/media/2021/main/061600034403.jpg)
Açiq mənbələrdən foto.
Terrorizmdə ittiham olunan daha bir qrup erməninin məhkəməsi başlayıb
Bakı/16.06.21/Turan: Çərşənbə günü Bakı Ağır Cinayətlər Məhkəməsində Azərbaycan ərazisində hərbi cinayətlərdə ittiham olunan 14 erməni hərbçinin işi üzrə proses başlayıb.
Əfqan Hacıyevin sədrliyilə keçirilən hazırlıq iclası zamanı müttəhimlər skamyasında Qeqam Serobyan, Qraç Avakyan, Armen Baqasyan, Qora Qasparyan, Kamo Sefilyan, Volodya Akobyan, Gevorq Asertyan, Sisak Yenqoyan, Albert Petrosyan, Romik Sedrakyan, Aram Minosyan, Mkrtıç Minosyan, Edqar Matesyan, Yura Karapetyan oturublar.
Həmin şəxslər 13 dekabr 2020-ci il tarixində Azərbaycan Dövlət Təhlükəsizliyi Xidmətinin antiterror əməliyyatı zamanı əsir düşüblər.
İstintaq materiallarına görə, bir qrup Ermənistan vətəndaşı silahlı birləşmə yaradıb və o 26-27 noyabr 2020-ci il tarixində Azərbaycanın dövlət sərhəddini qanunsuz keçərək Hadrut qəsəbəsi yaxınlığında hərbi mövqe tutub.
Dekabrın 13-dək onlar müəssisələrə, təşkilatlara və ayrı-ayrı şəxslərə bir neçə dəfə hücum edib, partlayışlar və yanğınlar törədiblər.
Müttəhimlərə qarşı Azərbaycan Cinayət Məcəlləsinin aşağıdakı maddələri ilə ittiham irəli sürülüb: 214.2.1, 214.2.3 (bir qrup şəxs tərəfindən törədilmiş terrorçuluq), 228.3 (qanunsuz silah əldə etmək), 279.2 (qanunsuz silahlı birləşmənin müəssisələrə və ya ayrı-ayrı şəxslərə hücumu) və 318.2 (Azərbaycanın dövlət sərhəddini qanunsuz keçmək). -02D-
-
- Cəmiyyət
- 16 İyun 2021 15:15
-
- İqtisadiyyat
- 16 İyun 2021 15:26
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz