Təzəxan Mirələmli məhkum edildi
Bakı/19.06.20/Turan: Özünü videobloger kimi təqdum edən Ata Abdullayevin iddiaaı ilə “Azadlıq” qəzetinin əməkdaşı Təzəxan Mirələmli məhkum edildi.
İyunun 19-da Xətai rayon Məhkəməsində çıxarılan hökmə əsasən, o, CM-in 221.1 (xuliqanlıq) maddəsilə təqsirli bilinərək, ona 1 il azadlığın məhdudlaşdırılması cəzası verilib. Məhkəmə qərarına əsasən, T.Mirələmli elektron qolbaqla gəzməli, gecə saat 23.00-dan səhər saat 07.00-a qədər yaşayış yerini tərk edə bilməz.
Həm A.Abdullayev, həm də T.Mirələmli hökmdən narazı qalıb. A.Abdullayev onun həbs olunmasını tələb edir. T.Mirələmli isə bu hökmü jurnalist kimi peşə fəaliyyətinin məhdudlaşdırılması, ifadə azadlığına müdaxilə kimi qiymətləndirir.
"Belə çıxır ki, gecə hansısa hadisə baş versə, mən jurnalist kimi mən gedə bilmərəm. Mən apellyasiya şikayəti verəcəm. Çünki baş verənlər siyasi məqsədlərlə hüquq və azadlıqlarının məhdudlaşdırılmasıdır", - T.Mirələmli AzadlıqRadiosu-na belə deyib.
T.Mirələmli fevralın 26-da - Xocalı faciəsinin ildönümü ilə əlaqədar "Ana harayı" abidəsinin yaxınlığında A.Abdullayevi vurmaqla xuliqanlıq etməkdə suçlanır. Lakin o, özünü təqsirli bilmir. Deyir ki, Milli Şura üzvləri abidəni ziyarət edəndə o da həmin yerdə çəkiliş aparıb. Həmin vaxt A.Abdullayev çəkilişə mane olub, təhqiramiz ifadələr səsləndirib, təxribata çəkməyə çalışıb: “Mən ondan bu cür hərəkətlərə son qoymasını tələb etdim”.-0-
-
- Cəmiyyət
- 19 İyun 2020 20:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz