Tibo Brütten "Sərhədsiz reportyorlar" təşkilarının yeni rəhbəridir

"Sərhədsiz reportyorlar" Direktorlar Şurası 9 iyul iclasında Tibo Brütteni təşkilatın yeni baş direktoru təyin edib. Brütten bu postda 12 il təşkilara  rəhbərlik etmiş və 8 iyunda vəfat ermiş Kristof Deluardı əvəz edib.

37 yaşlı Brütten 2014-cü ildə "Sərhədsiz reportyorlar"da işə başlayandan müxtəlif vəzifələrdə çalışıb.

2021-ci ildən baş direktor müavini olub, mart ayından isə Elodi Truşon (resurslar və inkişaf üzrə direktor) ilə birlikdə təşkilatın rəhbəri vəzifəsini icra edib.

Brütten təşkilatın Jurnalist inam təşəbbüsü; əfqan jurnalistlərin evakuasiyası; Ukraynada mətbuat azadlığı mərkəzləri; jurnalist Marina Ovsyannikovanın Rusiyadan qaçması və Rusiyanın özündə və hüdudlarından kənarda rus dilində müstəqil xəbərlər yayımlayan "Azadlıq" peyki kimi əsas təşəbbüslərinin hazırlanmasında iştirak edib.

Tibo Brütten Parisdəki Siyasi Araşdırmalar İnstitutunun məzunudur. Eyni zamanda kino tarixçisidir və bu mövzuda bir neçə kitab nəşr etdirib.

"Sərhədsiz reportyorlar" komandası 12 il  təşkilata enerji və həvəslə rəhbərlik etmiş Kristof Deluarın xatirəsini yad edir. Onun jurnalistikaya sadiqliyi unudulmayacaq.

1985-ci ildə  təsis edilmiş "Sərhədsiz reportyorlar" qeyri-hökumət təşkilatıdır, mənzil-qərargahı Parisdə yerləşir, müxtəlif ölkələrdə yeddi ofisi və altı şöbəsi, dünyada 160-dan çox müxbiri var.