Bakı/24.02.23/Turan: Ötən gün axşam Avropa İttifaqının Cənubi Qafqaz üzrə xüsusi nümayəndəsi Toyvo Klaar Yerevana gedib.
Cümə günü səhər o, Ermənistan Təhlükəsizlik Şurasının katibi Armen Qriqoryanla görüşüb.
Ermənistan Təhlükəsizlik Şurasının mətbuat xidməti bildirib ki, "Ermənistan-Azərbaycan danışıqlarının Brüssel formatı çərçivəsində əldə edilmiş razılaşmaların icrası prosesi" müzakirə olunub.
Klaar fevralın 18-də Münhen Təhlükəsizlik Konfransı çərçivəsində ABŞ dövlət katibi Entoni Blinken, Azərbaycan prezidenti İlham Əliyev və Ermənistanın baş naziri Nikol Paşinyanın iştirakı ilə üçtərəfli görüşü nəzərdə tutaraq “Münhen görüşlərinin yekunları üzrə bir sıra məsləhətləşmələr aparmaq niyyətində" olduğunu bildirib. Bu barədə o, Tvitter hesabında yazıb.
Avropa İttifaqındakı mənbələrə görə, Klaar Yerevandan Bakıya gələcək, burada yüksək səviyyədə görüşlər keçirəcək.
Xatırladaq ki, Azərbaycan prezidenti də Brüsseldəki üçtərəfli görüşün nəticələrini müsbət qiymətləndirib. Brüssel görüşünün təşəbbüsçüsü dövlət katibi Blinken də danışıqlarda irəliləyiş barədə dəfələrlə bildirib.
Cümə axşamı Dövlət Departamentinin mətbuat katibi Ned Prays tərəflərin Brüsseldə yeni görüş hazırladığına işarə edib.
Deyilənlərdən belə nəticəyə gəlmək olar ki, Toyvo Klaar Avropa Şurasının rəhbəri Şarl Mişelin iştirakı ilə qarşıdakı görüşün parametrlərini və gündəliyini razılaşdıracaq. 02B
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz