Tramp Qarabağda atəşkəs rejiminin pozulmasından məyus olub

Bakı/28.10.20 / Turan: ABŞ prezidenti Donald Tramp Dağlıq Qarabağda atəşkəs rejiminin pozulmasından məyus olduğunu bildirib.

- Bunu görəndə qəmgin olursan. İki ölkə uzun müddət bir - biri ilə müharibə aparanda, bax, nələr baş verir", - deyə amerikalı lider bildirib.

Eyni zamanda, Ağ Ev rəhbəri gələcəkdə atəşkəsin bərpa olunacağına əminliyini ifadə edib.

Bir müddət əvvəl ABŞ Dövlət Departamenti Azərbaycanla Ermənistanın Dağlıq Qarabağda humanitar barışığa dair razılığa gəldiyini bəyan etmişdi.

Atəşkəs oktyabrın 26-da yerli vaxtla saat 8:00-da qüvvəyə minib.

Atəşkəs razılaşmasına baxmayaraq, Ermənistan silahlı qüvvələri Azərbaycanın dinc yaşayış məntəqələrini atəşə tutmaqda davam edir.

Çərşənbə axşamı  Ermənistan  Azerbaycanın işğal olunmuş ərazilərindən artilleriya və raketlərlə Goranboy, Tərtər və Bərdə rayonlarının kəndlərini atəşə tutulub.

Bərdə rayonunda növbəti atəş nəticəsində ən azı dörd nəfər dinc sakin, 13 nəfər, o cümlədən qadın və uşaq həlak olub.

Ölənlərin arasında iki yaşlı uşaq var.

Azərbaycan prezidentinin köməkçisi Hikmət Hacıyev bildirib ki, Bərdənin atəşə tutulması zamanı beynəlxalq konvensiyalarla qadağan olunmuş kasset sursatlarından istifadə olunub. -0—