Turkish Airlines İstanbulun yeni aeroportundan Bakıya ilk uçuşunu həyata keçirəcək

Bakı/14.07.18/Turan: Türkiyənin Turkish Airlines aviaşirkəti İstanbulun yeni aeroportundan Bakıya ilk uçuşunu həyata keçirəcək.

Bu, ümumiyyətlə Türkiyənin yeni hava limanından ilk beynəlxalq reys olacaq. Bu barədə, Türkiyə KİV-lərinin məlumatına görə, Turkish Airlines aviaşirkətinin baş direktoru Bilal Ekşi bildirib.

Daxili xətdə ilk reys isə Ankaraya həyata keçiriləcək.

Qara dəniz sahilində tikilmiş yeni aeroportun ilk reysi 31 oktyabr 2018-ci ildə buraxılacaq.

Bu, İstanbulun Atatürk və Sabiha Gökçen hava limanlarından sonra üçüncü aeroportudur. Yeni aeroportun ilk hissəsinin istismara verilməsi ilə Atatürk aeroportundan sərnişin daşımaları üç gün ərzində tamamilə yeni aeroporta keçiriləcək.

O, sahəsinə görə dünyada üçüncü aeroportdur və ilk fazası həyata keçirildikdən sonra 90 milyon sərnişinə xidmət edəcək və 2,5 milyon ton yük daşınması həyata keçirəcək. Layihənin həyata keçirilməsi başa çatdıqda - 2025-ci ildə yeni aeroportdan sərnişin axınının ildə 200 milyon sərnişinə qədər artacağı gözlənilir.

İstanbulda üçüncü aeroportun işə salınması ilə istiqamətlərin sayı 350-yə çatacaq, hazırda 305 istiqamətdə uçuş həyata keçiriləcək.

Yeni aeroportun tikintisi 10 milyard türk lirəsinə başa gələcək. Layihəni Türkiyə bankları maliyyələşdirir. -06D-