Türkiyə erməniləri Yerevanla münasibətlərin normallaşmasını alqışlayırlar
Bakı/13.07.22/Turan: Erməni Fondları İttifaqının (ERVAP) və "Surp Pirqiç erməni xəstəxanası" Fondunun prezidenti Bedros Şirinoğlu bildirib ki, prezident Rəcəb Tayyib Ərdoğanla Ermənistanın baş naziri Nikol Paşinyan arasında telefon danışığı Türkiyənin erməni icmasında böyük məmnuniyyətlə və sevinclə qarşılanıb. Bu barədə "Anadolu"agentliyinin məlumatında deyilir.
Şirinoğlu öz yazılı bəyanatında qeyd edib ki, iki ölkə arasında münasibətlərin normallaşdırılması ilə bağlı hazırkı proses keçmişin yaralarının sağalması, mövhumatın aradan qaldırılması və ümumi gələcəyə doğru yeni ab-havanın yaradılması baxımından böyük əhəmiyyət daşıyır.
"Cənab Ərdoğan və cənab Paşinyanın qətiyyəti sayəsində hazırkı mərhələyə çatmış proses yeni nailiyyətlərə və əməkdaşlıq imkanlarına addım- addım şahid olmağımıza xidmət edəcək", - o qeyd edib.
"Biz hər iki ölkənin sülh və dostluğa inanan müdrik qüvvələrini cənab Ərdoğan və cənab Paşinyanın sərgilədiyi baxışı qəbul etməyə və dəstəkləməyə çağırırıq. Türkiyənin erməni icması da bu tarixi dönüş anında öz məsuliyyətini dərk edərək öz töhfəsini verməyə hazırdır", - Şirinoğlu vurğulayıb.
Xatırladaq ki, Türkiyədə 100 minə yaxın etnik erməni yaşayır, onlardan 40 minə qədəri Ermənistan vətəndaşıdır. 02D
-
- Siyasət
- 13 İyul 2022 17:26
Siyasət
-
Çərşənbə günü səhər Türkiyənin Akinci pilotsuz təyyarəsi İran prezidentinin göyərtəsində olduğu güman edilən helikopterin qəzaya uğradığı qaynar nöqtəni aşkar edib, bu barədə yerli vaxtla saat 03:50-də İrna agentliyi məlumat verib.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
Rəy yaz