Recep Tayyip Erdogan.
Bakı/09.01.23/Turan: Türkiyə silah idxalından asılılığı minimuma endirməyi və öz müdafiə sənayesini inkişaf etdirməyi planlaşdırır. Bu barədə yanvarın 9-da prezident Rəcəb Tayyib Ərdoğan Türkiyə Silahlı Qüvvələrinə yerli yeni nəsil “Fırtına” özüyeriyən artilleriya qurğularının verilməsi mərasimində deyib.
O qeyd edib ki, 2025-ci ildə Türkiyə tanklarının istehsalına başlanılacaq. “Bu ilin mayında iki “Altay” tankı sınaq üçün Türkiyə Silahlı Qüvvələrinə veriləcək. Bundan əlavə, “Leopard 2 A-4” tanklarının modernləşdirilməsi, həmçinin “Altuğ 8x8” zirehli transportyorun istehsalına başlanması planlaşdırılır”, - “Anadolu” agentliyi Ərdoğandan sitat gətirib.
Türkiyə lideri deyib ki, 20 il öncə Türkiyənin müdafiə məhsulları ixracının həcmi 248 milyon dollar olub, 2022-ci ilin yekunlarına görə bu göstərici 4,4 milyard dollara çatıb. 20 il ərzində ölkənin müdafiə müəssisələrinin sayı 56-dan 2 mini ötüb.
Yeni işlər hərbi-dəniz donanmasını da əhatə edəcək. Bu il Türkiyə donanmasının flaqmanı, pilotsuz təyyarələrin yerləşdiyi “Anadolu” gəmisi istifadəyə veriləcək. Bu il beşinci nəsil yerli hərbi təyyarə buraxılacaq, Ərdoğan deyib. 02D
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz