Türkiyə və Qazaxıstan əməkdaşlıq haqqında bir sıra sazişlər imzalayıblar

Bakı/10.05.22/Turan: Türkiyə və Qazaxıstan prezidentlərinin Ankarada dar və geniş tərkibdə keçirilən görüşlərinin yekunlarına görə tərəflər əməkdaşlıq haqqında 15 saziş imzalayıblar, bu barədə Anadolu Agentliyi məlumat yayıb.

Sənədlərdə nəqliyyat, müdafiə sənayesi, hərbi kəşfiyyat, informasiya texnologiyaları, mədəniyyət, kənd təsərrüfatı, daşımalar, ticarət, gömrük nəzarəti, ətraf mühit, təhsil, gənclər siyasəti, rabitə və arxiv işi sahəsində əməkdaşlıq nəzərdə tutulur.

Dövlət başçılarının iştirakı ilə rəsmi nümayəndə heyətlərinin üzvləri aşağıdakı sənədləri imzalayıblar:

1. Qazaxıstan Respublikasının Mədəniyyət və İdman Nazirliyi və Türkiyə Respublikası Prezidenti yanında Dövlət Arxivləri İdarəsi arasında Əməkdaşlıq haqqında Protokol.

2. Qazaxıstan Respublikasının İnformasiya və İctimai İnkişaf Nazirliyi və Türkiyə Respublikasının Prezident Aparatı yanında Kommunikasiyalar İdarəsi arasında Kütləvi informasiya vasitələri sahəsində əməkdaşlıq haqqında Memorandum.

3. Qazaxıstan Respublikasının Hökuməti və Türkiyə Respublikasının Hökuməti arasında Beynəlxalq kombinə edilmiş yük daşımaları haqqında Saziş.

4. Qazaxıstan Respublikası və Türkiyə Respublikası arasında Xidmətlərin ticarəti haqqında Saziş üzrə Texniki Tapşırıq.

5. Qazaxıstan Respublikasının Hökuməti və Türkiyə Respublikasının Hökuməti arasında İnformasiya mübadiləsinin təşkili və gömrük nəzarəti prosedurlarının sadələşdirilməsi haqqında Saziş.

6. Qazaxıstan Respublikasının Ekologiya, Geologiya və Təbii Sərvətlər Nazirliyinin Meşə Təsərrüfatı və Heyvanlar Aləmi Komitəsi və Türkiyə Respublikasının Kənd və Meşə Təsərrüfatı Nazirliyinin Meşə Təsərrüfatı Baş İdarəsi arasında meşə təsərrüfatı sahəsində əməkdaşlıq haqqında memorandum.

7. Qazaxıstan Respublikasının Hökuməti və Türkiyə Respublikasının Hökuməti arasında Karantin və bitkilərin mühafizəsi sahəsində əməkdaşlıq haqqında Saziş.

8. Qazaxıstan Respublikasının Rəqəmsal İnkişaf, İnnovasiyalar və Aerokosmik Sənaye Nazirliyi və Türkiyə Respublikasının Sənaye və Texnologiyalar Nazirliyi arasında İnformasiya texnologiyaları sahəsində əməkdaşlıq haqqında Memorandum.

9. Qazaxıstan Respublikasının Hökuməti və Türkiyə Respublikasının Hökuməti arasında Hərbi kəşfiyyat sahəsində əməkdaşlıq haqqında Protokol.

10. Qazaxıstan Respublikasının Hökuməti və Türkiyə Respublikasının Hökuməti arasında Hərbi arxivlər, hərbi tarix, muzeyşünaslıq və hərbi nəşrlər sahəsində əməkdaşlıq haqqında Protokol.

11. Qazaxıstan Respublikasının Hökuməti və Türkiyə Respublikasının Hökuməti arasında Təhsil sahəsində əməkdaşlıq haqqında Saziş.

12. Qazaxıstan Respublikasının Mədəniyyət və İdman Nazirliyi və Türkiyə Respublikasının Mədəniyyət və Turizm Nazirliyi arasında Qarşılıqlı Anlaşma Memorandumu.

13. Qazaxıstan Respublikasının İnformasiya və İctimai İnkişaf Nazirliyi və Türkiyə Respublikasının Gənclər və İdman Nazirliyi arasında Gənclər siyasəti sahəsində qarşılıqlı anlaşma Memorandumu.

14. Qazaxıstan Respublikasının Ekologiya, Geologiya və Təbii Sərvətlər Nazirliyi və Türkiyə Respublikasının Ətraf Mühit, Şəhərsalma və İqlim Dəyişikliyi Nazirliyi arasında Ətraf mühitin mühafizəsi sahəsində əməkdaşlığa dair qarşılıqlı anlaşma Memorandumu.

Danışıqların yekunlarına görə Türkiyə prezidenti Recep Tayyip Erdoğan və Qazaxıstan prezidenti Kasım-Jomart Tokayev Geniş strateji tərəfdaşlıq haqqında Birgə Bəyanat imzalayıblar.

Çərşənbə axşamı Ankarada Qazaxıstan prezidenti Kasım-Jomart Tokayevin rəsmi qarşılanma mərasimi keçirilib.

Qazaxıstan prezidenti Türkiyəyə dövlət səfərinə gəlib.

Kasım-Jomart Tokayevin Qazaxıstan prezidenti qismində Türkiyəyə ilk rəsmi səfəri iki gün davam edəcək.

Səfərin gündəliyində iki türkdilli dövlət arasında strateji əməkdaşlığın vəziyyəti və perspektivləri ilə bağlı müzakirələr xüsusi yer tutur.

Regional və beynəlxalq məsələlərlə bağlı fikir mübadiləsi aparılacaq. -0-