Açiq mənbələrdən foto.
Bakı/29.06.20/Turan: Bu gün bir qrup Türkiyə vətəndaşı bu ölkənin Bakıdakı səfirliyinin qarşısında etiraz aksiyası keçirib. Onlar koronavirus pandemiyası səbəbindən sərhədlər bağladıqdan sonra Azərbaycanda məcburi olaraq qalıblar.
Aksiya iştirakçıları Türkiyə prezidenti Ərdoğana müraciət edərək onlara öz ölkələrinə qayıtmaq imkanı verilməsini xahiş ediblər.
“Biz ,Türkiyə vətəndaşları neçə aydır ölkəmizə qayıda bilmirik. Koronavirus pandemiyası ilə əlaqədar iş yerlərimizi itirmişik. Sərhədlər bağlıdır, nəqliyyat işləmir. Azərbaycandan quru yolu ilə keçsək belə, Gürcüstan sərhədləri də bağlıdır”, - Türkiyə vətəndaşlarının müraciətində deyilir.
Aksiya sosial məsafə gözlənilərək keçirilib. Polis müdaxilə etməyib.
Aksiya iştirakçılarının sözlərinə görə, Türkiyə səfirliyindən onlara bildiriblər ki, iyunun 30-da problemin həllinə yardım edəcəklər.
Pandemiyanın başlanmasından və sərhədlərin bağlanmasından sonra Türkiyədə on minlərlə Azərbaycan vətəndaşı, Azərbaycanda isə minlərlə Türkiyə vətəndaşı vətənə qayıtmaq problemi ilə üzləşib.03D06-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz