Türkiyənin tikinti şirkətlərinə 240 milyard dollarlıq tikinti layihəsi təklif edilib

Səudiyyə Ərəbistanının Əmlak Nazirliyinin Türkiyəyə təklif etdiyi “2 milyon mənzil üçün” layihəsinin təfərrüatları məlum olub. Bu haqda Türkiyə saytları yazır.

Səudiyyə tərəfinin 300 milyon kvadrat metrlik tikinti təklifi bütün iqtisadi proqnozları alt-üst edib. Bu, Rusiyada sanksiyalarla üzləşən Türkiyə üçün 240 milyard dollarlıq bazar deməkdir.

Səudiyyə Ərəbistanının Əmlak Nazirliyi ölkənin mənzil ehtiyacı üçün kompasını Türkiyəyə tərəf çevirib. Təxminən 1,5-2 milyon ictimai mənzil hədəfləyən nazirlik rəsmiləri əməkdaşlıq üçün Türkiyəyə iki ay öncə müraciət ediblər.

Türkiyə prezidenti Ərdoğanın 2015-ci il dekabrın 29-da Səudiyyəyə rəsmi səfəri zamanı Yüksək Səviyyəli Şurada layihə hazırlanıb.

Səudiyyə-İran münasibətlərinin gərginləşdiyi, Türkiyə tikinti şirkətlərinin Rusiyadan sıxışdırıldığı indiki durumda tikinti şirkətlərinə təklif edilən 240 milyard dollarlıq planın açıqlanması regionda “zəlzələ” effekti yaradıb. --