Bakı/06.02.20/Turan: Azərbaycan-Fransa Universiteti (UFAZ) 2020/2021-ci tədris ilində ilk dəfə olaraq magistratura proqramı elan edəcək. Bu barədə cümə axşamı UFAZ-da keçirilən mətbuat konfransında bildirilib.
Azərbaycan Dövlət Neft və Sənaye Universitetinin (ADNSU) rektoru Mustafa Babanlı bildirib ki, UFAZ layihəsinin əsas məqsədi Azərbaycan gənclərinin ölkə hüdudlarından kənara çıxmadan Avropa səviyyəsində təhsil alması üçün şərait yaratmaqdır.
Onun sözlərinə görə, bakalavr səviyyəsində neft-qaz, geologiya, kimya mühəndisliyi və informatika sahəsində mütəxəssislər hazırlanır.
Bu il UFAZ-ın bakalavr səviyyəsində ilk 129 tələbəsinin buraxılışı olacaq.
2017-ci ilin sonlarında və 2018-ci ilin əvvəllərində Fransa tərəfi magistratura səviyyəsində təhsil prosesinin davam etidirilməsi haqqında danışıqlara başlayıb.
Rektor qeyd edib ki, bu il 3 ixtisas üzrə (tətbiqi informatika; geofizika; fiziki kimya / kimya mühəndisliyi) magistratura səviyyəsində 80 yerə qəbul proqramı start götürür.
İngilis dilində təhsil alan gənclərin qəbulu üçün əlavə sənədlər tələb olunmur. Azərbaycan və rus dillərində təhsil alan məzunlardan IELTS 6.5 sertifikatı tələb olunacaq, deyə Babanlı bildirib.
Fransanın Azərbaycandakı səfiri Zakari Qross bildirib ki, 2020-ci il UFAZ üçün əlamətdar ildir, belə ki, bakalavr səviyyəsində ilk buraxılış olacaq və magistraturaya qəbul açılacaq.
Səfirliyin stipendiya proqramı sayəsində Azərbaycan gəncləri müxtəlif Avropa Universitetlərində təhsil alır, deyə səfir qeyd edib.
Strasburq Universitetinin professoru Pyer Kolle deyib ki, magistraturaya daxil olmaq istəyənlər aprelin 27-də müsabiqədə iştirak edəcəklər. Müsabiqəyə Dövlət İmtahan Mərkəzinin təşkil etdiyi imtahanda 70 və daha çox bal yığan yerli və xarici tələbələr buraxılacaq.
İki illik magistratura proqramı başa çatdıqdan sonra məzunlar iki diplom (ADNSU və Unistra) alacaqlar.
Hər üç ixtisas üzrə magistratura təhsilini Azərbaycan tərəfi maliyyələşdirir. Eyni zamanda, təhsilin ikinci ilində tələbələrin stipendiya ilə Fransada təhsil almaq imkanı olacaq. -16D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz