Ukrayna Rusiya qazını Azərbaycan qazı adı ilə tranzitinə imkan verməyəcək - Zelenski

Ukrayna ilə “Qazprom” arasında tranzit müqaviləsi başa çatmaq üzrədir. Ukrayna prezidenti Vladimir Zelenski cümə axşamı Brüsseldə Avropa İttifaqı liderləri ilə görüşündən sonra bildirib ki, Ukrayna artıq Rusiya qazının öz ərazisindən tranzitinə icazə verməyəcək.

Onun sözlərinə görə, bu qadağa Rusiya qazının Azərbaycan qazı adı altında Avropaya satılması qarşısını alacaq.

“Bizim qanımız bahasına əlavə milyardlar qazanmasına icazə verməyəcəyik. Rusiyadan bir şey alan  hər bir ölkə sonda Rusiyadan asılı olacaq, bu  onların siyasətidir” deyən Zelenski Ukraynanın qərarını dəyişdirməsi və tranzit müqaviləsini yeniləməsi ehtimalı ilə bağlı sualı cavablandırıb.

Bu açıqlama Slovakiyanın baş naziri Robert Fitsonun xoşuna gəlməyəcək, bu ölkə Rusiya qazından ciddi şəkildə asılı olaraq qalır.
Slovakiya ölkəyə tədarükün kəsilməməsi üçün diplomatik səyləri artırdı.

Alternativ olaraq Bratislava Azərbaycana müraciət edə bilərdi.

Azərbaycanla sövdələşmələr ölkədə insan haqları vəziyyətinin zəif olması səbəbindən mübahisəli olub.

Bruegel nəşri yazır ki, təklif olunan sxemə görə, Rusiya Ukraynaya “Azərbaycan qazı” etiketli qaz tədarük edəcək, Azərbaycan isə eyni infrastrukturdan istifadə edərək Rusiyadan qaz alacaq.
“Sadə dillə desək, qaz axını dəyişməyəcək: Avropa İttifaqı treyderləri qazı Azərbaycandan alacaq, o da Rusiyadan qaz alacaq”, – Bruegel oktyabrda aparılan araşdırmasında bildirib.

Lakin Zelenski cümə axşamı açıq şəkildə bildirib ki, Ukraynaya qarşı təcavüzünü maliyyələşdirmək üçün Rusiyaya qaz pulundan istifadə etməyə imkan verməyəcək.

O, birbaşa Azərbaycanın adını çəkmədi, lakin sualı verən “Financial Times” jurnalisti bunu elədi.
“Biz başqa bir ölkənin Rusiyadan qaz alıb sonra onu tranzit edib oyun oynamaqa imkan verməyəcəyik, bu müharibədən qazanc əldə etməyə və Rusiyaya pul göndərməyə bərabərdir”, - deyə Zelenski cavab verib.