Bakı/10.03.22/Turan: Cümə axşamı Antalyada Rusiya XİN başçısı Sergey Lavrov, Ukrayna XİN başçısı Dmitri Kuleba və Türkiyənin xarici işlər naziri Mevlut Çavuşoğlunun üçtərəfli görüşü keçirilir.
Görüş Regnum Carya mehmanxanasında yerli vaxtla saat 11.25-də başlayıb və Antalyada Diplomatiya Forumu ərəfəsində baş tutur, xəbəri Anadolu Agentliyi yayıb.
Rusiya və Ukraynaya vasitəçilik təklif edən Ankaranın həm Moskva, həm də Kiyevlə yaxşı münasibətləri var.
Bu gün üçtərəfli görüşdən əvvəl Çavuşoğlu Lavrov və Kuleba ilə ayrı-ayrılıqda görüşlər keçirib. Son həftələr Ukraynada yaranmış vəziyyətdən çıxış yolları müzakirə olunub.
Ankara dialoqun tərəfdarıdır və dəfələrlə iki qonşu ölkə arasında vasitəçiliyə hazır olduğunu bildirib. Türkiyə prezidenti Recep Tayyip Erdoğan Moskva və Kiyevi təcili atəşkəsə çağırıb.
Bundan əvvəl Belarusda Rusiya-Ukrayna danışıqlarının üç mərhələsi keçirilib, bu danışıqlar fikir ayrılıqlarının həllində əhəmiyyətli bir irəliləyişə gətirib çıxarmayıb. Son görüşün yekunlarına görə Ukraynanın bir sıra şəhərlərindən sakinlərin təxliyəsi üçün humanitar dəhlizlərin açılması haqqında qərar qəbul edilib. -0-
Siyasət
-
28 noyabr 2024-cü il tarixində Polşanın Azərbaycandakı müvəqqəti işlər vəkili Mixal Qreçilo Xarici İşlər Nazirliyinə çağırılıb.
-
Bakı Ağır Cinayətlər Məhkəməsində Kamran Muxtarovun sədrliyi ilə narkotik vasitələrin qanunsuz dövriyyəsində ittiham olunan ictimai fəal Zəka Mirağayevin işi üzrə proses başa çatıb.
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
Rəy yaz