Ukraynadan bir qrup uşaq Azərbaycanda reabilitasiya kursu keçəcək

Bakı/12.06.23/Turan: Ukraynanın İrpen şəhərinin məktəbliləri Azərbaycanda reabilitasiya kursu keçəcəklər.

“Azərbaycan ukraynalı uşaqların sağlamlaşdırılması və istirahətinin təşkil edilməsi üzrə gözəl ənənəsini davam etdirir”, - Ukraynanın Azərbaycandakı səfiri Vladislav Kanevski  Facebook səhifəsində yazıb

“Bu dəfə onlar İrpin şəhəri Zərifə Əliyeva adına 12 saylı məktəbin şagirdləridir. Ukraynalı uşaqları Azərbaycan mədəniyyəti və adət-ənənələrilə yaxından tanış edəcək zəngin proqram gözləyir. Biz ukraynalı uşaqları müharibə dəhşətlərindən yayındırmaq imkanı yaratdığına görə Azərbaycan tərəfinə təşəkkür edirik”, - səfir qeyd edib.

Öz növbəsində, Azərbaycan Xarici İşlər Nazirliyinin mətbuat xidmətində bildiriblər ki, Ukraynadan 8 məktəbli Bakıda reabilitasiya kursu keçəcək və istirahət edəcək.

Bundan öncə Ukraynadan bir neçə qrup uşaq Azərbaycanda reabilitasiya kursu keçib. 03B06