Photo: © MFA
Bakı/09.04.20/Turan: Vişeqrad Qrupu (V4) ölkələrinin xarici işlər nazirləri aprelin 8-də V4 və “Şərq Tərəfdaşlığı” ilə videokonfrans keçiriblər. Bu barədə Çexiyanın Azərbaycandakı səfirliyi məlumat yayıb.
Əsas mövzu iyun sammiti öncəsi “Şərq Tərəfdaşlığı”nın gələcəyi olub. Sammitdə Aİ-nin Qonşuluq siyasətinin yeni konsepsiyasının təsdiqlənməsi gözlənilir.
Nazirlər “Şərq Tərəfdaşlığı”na güclü və iddialı bir siyasət kimi baxdıqlarını təsdiqləyən ortaq bir bəyanat qəbul ediblər və buna fəal dəstək verməyə hazır olduqlarını bildiriblər.
XİN rəhbərləri Aİ və onun vahid bazarına inteqrasiya etməkdə maraqlı olan tərəfdaş ölkələrin istəklərini dəstəkləyəcəkləri barədə razılığa gəldilər. Eyni zamanda onlar demokratik prinsiplərin və qanunun aliliyinin vacib əhəmiyyətini vurğulayıblar və “ŞərqTərəfdaşlığı” ölkələrində vətəndaş cəmiyyətinə dəstək olduqlarını bildiriblər. Nazirlər “Şərq Tərəfdaşlığı” ölkələri ilə transformasiya təcrübələrini bölüşməyə davam etməyə hazır olduqlarını təsdiqlədilər.
Xarici işlər naziri Tomaş Petrjiçek COVID-19 pandemiyası kontekstində “Şərq Tərəfdaşlığı” ölkələrinə yardım etmək üçün növbədənkənar V4 “Şərq Həmrəyliyi Proqramı”nın başlamasını təklif edib. Yeni V4 “Şərq Həmrəyliyi Proqramı” Beynəlxalq Vişeqrad Fondu çərçivəsində 250000 avroya qədər yardım etməlidir və bu, COVID-19 pandemiyasının təsirinə məruz qalan “Şərq Tərəfdaşlığı” ölkələrində vətəndaşların aztəminatlı qruplarının sağlamlığının, sosial, iqtisadi dayanıqlığının praktiki möhkəmləndirilməsinə sərf olunacaq. Proqram tərəfdaşların ehtiyaclarına uyğunlaşdırılacaq. Nazirlər bu təklifi dəstəkləyiblər.
“Şərq Tərəfdaşlığı” Aİ üçün strateji əhəmiyyətə malikdir və buna görə də Aİ-nin xarici əlaqələri kontekstində prioritet mövzulardan biridir”, - nazir Petrjiçek bildirib.
V4-ə Polşa, Çexiya, Slovakiya və Macarıstan daxildir. Dördlüyün əsas əməkdaşlığı bütün səviyyələrdə- yüksək səviyyədə siyasi görüşlərdən tutmuş ekspert və diplomatik görüşlərə qədər, regionda qeyri-hökumət assosiasiyalarının, analitik mərkəzlərin və tədqiqat orqanlarının, mədəniyyət müəssisələrinin fəaliyyətinə qədər qarşılıqlı əlaqəni əhatə edir.--0--
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz