Valentina Matvienko Bakıda Rusiya Mədəniyyəti Günlərini açacaq

Moskva/11.04.19/Turan: Palata sədri Valentina Matvienkonun başçılıq etdiyi Rusiya Federasiyası Şurasının nümayəndə heyəti aprelin 11-də Azərbaycana iki günlük rəsmi səfərə gəlir. Bu barədə Federasiya Şurasının mətbuat xidməti məlumat yayıb.

Səfər çərçivəsində Milli Məclisin sədri Oqtay Əsədovla danışıqlar aparılacaq. İkitərəfli əməkdaşlığın perspektivləri, parlamentlərarası münasibətlər məsələləri müzakirə olunacaq, deyə məlumatda bildirilir.

"Ölkələrimiz ikitərəfli əlaqələrin möhkəmləndirilməsi və genişləndirilməsi, onların keyfiyyətinin artırılması işində böyük yol qət etməyə, dostluq və yaxşı qonşuluq ənənələrini qoruyub saxlamağa və çoxaltmağa müvəffəq olub", deyə Valentina Matvienko bildirib.

O, səfər çərçivəsində Bakıda Rusiya Mədəniyyəti Günlərinin açılış mərasimində çıxış edəcək, paytaxtın mədəniyyət, idman və sosial-infrastruktur obyektlərinə baş çəkəcək.

Rusiya nümayəndə heyətinin tərkibinə FŞ vitse-spikeri, iki ölkə parlamenti arasında əməldaşlıq üzrə Parlamentlərarası Komissiyanın sədri İlyas Umaxanov, FŞ-nin vitse-spikeri Andrey Turçak, Həştərxan və Dağıstanın regional parlamentlərinin senatorları və sədrləri daxildir. -02D-