![Vaşinqtonda Azərbaycanda dinc etirazlar və işgəncələrə dair diskussiyalar keçiriləcək](https://turan.az/resized/media/2019/main/103100022739-750-500-resize.webp)
Vaşinqtonda Azərbaycanda dinc etirazlar və işgəncələrə dair diskussiyalar keçiriləcək
Vaşinqton/31.10.19/Turan: ABŞ Milli Mətbuat Klubu oktyabrın 31-də Vaşinqtonda “19 oktyabr etiraz aksiyası –işgəncələr və repressiyalar. Azərbaycanda yeni era” mövzusunda diskussiya təşkil edəcək.
Diskussiyanın mövzusu oktyabrın 19 və 20-də Bakıda iki mitinqin polis tərəfindən amansızlıqla dağıdılması nəzərə alınmaqla Azərbaycanda insan hüquqlarının hazırki vəziyyətidir.
Demokratik Qüvvələrin Milli Şurasının oktyabrın 19-da təşkil etdiyi nümayişdə siyasi məhbusların azadlığa buraxılmasına, azad və ədalətli seçkilərin keçirilmsinə çağırılıb, artmaqda olan işsizliyə və iqtisadi ədalətsizliyə etiraz edilib.
Saxlanılanlar arasında Azərbaycan Xalq Cəbhəsi Partiyasının lideri Əli Kərimli də olub. O, polis əməkdaşları tərəfindən işgəncələrə məruz qalıb, bir neçə saat saxlanılıb. Bir neçə fəal hələ də həbsdədir. Azad edilmiş fəallar polisdə amansızcasına döyüldüklərini bildiriblər.
Diskussiya iştirakçıları arasında Demokratik Qüvvələrin Milli Şurasının lideri Cəmil Həsənli, Amnesty International-da Avropa və Mərkəzi Asiya üzrə dikertor Daniel Balson və jurnalist Sevinc Osmanqızı da olacaq.
Tədbirin moderatoru jurnalist, Amnesty International USA Azərbaycan üzrə mütəxəssis Ələkbər Raufoğludur.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz