Bakı/05.10.17/Turan: Cümə axşamı ölkə ictimaiyyəti Nazirliyin yeni sürprizi ilə üzləşib. Belə ki, saat 14-də Vergilər Nazirliyindəki mənbə "Report" Agentliyinə bildirib ki, oktyabrın 2-də "Turan" İnformasiya Agentliyinin bank hesablarına həbs qoyulması proqram təminatında texniki nasazlığın nəticəsidir.
""Turan" Agentliyinin bank hesablarına həbs qoyulması məhz bu səbəbdəndir və dərhal bu nasazlıq aradan qaldırılaraq sərəncam geri götürülüb", - deyə məlumatda bildirilir.
Amma qeyd etmək lazımdır ki, nasazlığın dərhal aradan qaldırılmasından söhbət gedə bilməz, belə ki, hesablar azı üç gün bağlı olub.
Qeyd edək ki, Vergilər Nazirliyinin sistemində bu cür "səhvlər" son 3 həftədə minimum üç dəfə baş verib.
Hətta 7 avqust tarixli 37 min manat məbləğində vergi iddiası 11 sentyabr tarixli elektron qərarla ləğv edilib, amma dörd gün sonra yenidən bərpa edilib. Amma nazirlik o zaman proqram təminatının nasazlığından söz açmadı.
Saat 15.00 banklar Agentliyin hesablarının açıldığını təsdiq ediblər.-0--
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz