Pomidor Azərbaycanın ixracatında neftdən sonra ikinci yerdədir
Bakı/05.10.17/Turan: 2017-ci ilin 7 ayında Azərbaycandan 855 mln dollarlıq qeyri-neft məhsulları ixrac edilib, deyə Gömrük Komitəsi bildirir. İxrac məhsullarının istehsalı ilə 1333 subyekt məşğul olub.
Azərbaycan malları alan ölkələrin beşliyinə Rusiya (bu ölkəyə $311 mln məbləğində məhsul ixrac edilib), Türkiyə ($178 mln), Gürcüstan ($78 mln), İsveç ($77 mln) və Türkmənistan ($38 mln) daxildir.
Azərbaycanın xaricdə neftdən sonra ən çox alınan malı pomidordur. Cəmi $127,9 mln məbləğində pomidor ixrac edilib. İkinci yerdə qızıl ($60,7 mln), sonra polietilen (ilkin xüsusi kütlə formasında 0.94 - $54,4 mln) gəlir.
2016-cı ilin müvafiq dövrü ilə müqayisədə bu ilin 7 ayında 8.3 dəfə çox pambıq lifi, 3.2 dəfə çox elektrik enerjisi, 60% çox çay, 42% çox meyvə-tərəvəz, 30% çox kimya məhsulları, 29% çox alüminium və alüminium malları, 26% çox spirtli və alkoqolsuz içkilər, 12% çox plastmas və plastmas malları ixrac edilib.
2017-ci ilin iyulunda 459 iqtisadi subyekt xaricə $117 mln məbləğində qeyri-neft məhsulları ixrac edib.
2017-ci ilin iyulunda əsas ixrac malları qızıl, albalı, gilas, metanol, pomidor, polietilen (0.94-dək ilkin xüsusi kütlə formasında), çuqun yarımfabrikatı (karbon tərkibi 0.25%-dən çox), alüminiumdan hazırlanan yarımfabrikatlar (0,2 mm-dən çox qalınlığında plitələr, təbəqələr), şəkər, ərik və s ixrac olunub.
Azərbaycandan ən çox qeyri-neft məhsulları alan ölkələrin beşliyinə Rusiya ($37 mln), Türkiyə ($34 mln), İsveç ($10 mln), Gürcüstan ($9 mln) və Türkmənistan ($5 mln) daxildir, - deyə Gömrük Komitəsi bildirir. -0-
-
- Siyasət
- 5 Oktyabr 2017 15:34
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz