NATO-nun nümayəndə heyəti Bakıda səfərdədir
NATO Baş katibinin əməliyyatlar üzrə köməkçisinin müavini Burcu Sanın rəhbərlik etdiyi nümayəndə heyəti Bakıya səfərə gəlib, bu barədə Müdafiə Nazirliyinin məlumatında deyilir.
Nümayəndə heyəti Beynəlxalq Hərbi Əməkdaşlıq İdarəsində qəbul edilib.
Görüşdə NATO ilə əməkdaşlığın əsas hüquqi bazası hesab olunan “Fərdi uyğunlaşdırılmış tərəfdaşlıq proqramı” (ITPP) layihəsində göstərilən öhdəliklərin icrası ilə bağlı cari vəziyyət müzakirə olunub.
Tərəflər həmçinin Azərbaycan Ordusu tərəfindən NATO-nun Əməliyyat İmkanları Konsepsiyası (ƏİK) Ortaq Qüvvələr Birliyinə bəyan edilmiş müxtəlif qoşun növləri bölmələrinin hazırlığı məsələsinə toxunulub.
Görüşdə əməkdaşlığın gələcək perspektivləri barədə ətraflı fikir mübadiləsi aparılıb.
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz