Vitali Balasanyanın rəsmi Yerevana növbəti təpkisi

Bakı/16.12.19/Turan: “Qarabağ Təhlükəsizlik Şurası”nın keçmiş rəhbəri Vitali Balasanyan növbəti dəfə Ermənistan hökumətinə qarşı sərt bəyanatla çıxış edib.

Bugünkü bəyanatında o, baş nazir Nikol Paşinyanı “Qarabağ Ermənistandır”, “münaqişənin həlli Azərbaycan üçün də məqbul olmalıdır” kimi populist bəyanatlarda ittiham edib.

“Paşinyanın Qarabağ münaqişəsinin nizamlanmasına yanaşması faktiki olaraq Azərbaycanın milli və dövlət maraqlarına xidmət edir”, - V.Balasanyan hesab edir. Eyni zamanda o, dekabrın 10-da parlamentin daimi komitəsinin sədr müavini, hakim partiyadan deputat Ovannes İgityanın 10 dekabr tarixli bəyanatına istinad edib. Sonuncu bildirib ki, Paşinyan Dağlıq Qarabağın azərbaycanlı icmasının təmsilçilərinin Azərbaycan nümayəndə heyətinin tərkibində danışıqlarda iştirak etməsinin əleyhinə deyil. V.Balasanyanın sözlərinə görə, Dağlıq Qarabağ “ATƏT-in Minsk Qrupunun və Azərbaycan hakimiyyətinin Dağlıq Qarabağın azərbaycanlı icmasının nümayəndələrini istənilən danışıq formatına cəlb etmək istəyinə qarşıdır”.

Əgər Ermənistan da daxil olmaqla, danışıqlar prosesinin iştirakçıları Dağlıq Qarabağın azərbaycanlı icmasını danışıqlara cəlb etməyə çalışsalar bu, Qarabağın mövcudluğu dövründə ən böyük təhlükə və təhdidlərdən biri olacaq. Erməniçilyin bütün sağlam və real qüvvələri bu addımların neytrallaşdırılmasına yönəldiləcək. Bunun önündə Vitali Balasanyanın minlərlə həmfikiri və tərəfdarı duracaq”, - bəyanatda deyilir.

Xatırladaq ki, Qarabağda nüfuza sahib olan Vitali Balasanyan bundan öncə də Nikol Paşinyanı xəyanətdə və Qarabağı təslim etmək cəhdində ittiham edib və onu haqq –hesab çəkəcəyilə hədələyib. -02D-