Açiq mənbələrdən foto.
Bakı/06.10.21/Turan: Bu günlərdə Vyanada Azərbaycan və Ermənistan nümayəndələrinin görüşü olub. Görüşdə siyasi partiyaların üzvləri və deputatlar iştirak ediblər. Bu barədə Qarabağın Azərbaycan icmasının rəhbəri, deputat Tural Gəncəliyev Tvitter hesabında yazıb.
Onun sözlərinə görə, görüş Avstriya hakimiyyəti və ekspert cameəsi tərəfindən təşkil edilib. Görüşdə müharibədən sonrakı dövrdə nizamlanma məsələləri müzakirə olunub.
Öz növbəsində Ermənistan kütləvi informasiya vasitələri bildiriblər ki, görüşdə Respublika Partiyasından Armen Aşotyan və Karen Avakyan, Maarifçi Ermənistan Partiyasından Edmon Marukyan iştirak ediblər.
Həmçinin diskussiyaya ATƏT, Avropa İttifaqı, Avstriya Müdafiə Nazirliyinin və Xarici İşlər Nazirliyinin nümayəndələri qatılıblar.
Hər iki tərəf müzakirələrin Chatham House prinsipi üzrə keçdiyini bildirib ki, bu da detalların açıqlanmasına yol vermir.
Qeyd edək ki, Avropa İttifaqı tərəfindən analoji görüş ötən həftə Gürcüstanda keçirilib. Tədbirdə İkinci Qarabağ Müharibəsindən sonra Ermənistan-Azərbaycan münasibətlərinin normallaşması məsələləri müzakirə olunub. -05D-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz