Xamneyi Əliyevə şiəliyi dəstəkləməyi məsləhət görüb

Fevralın 23-də Tehranda Azərbaycan prezidenti İlham Əliyevlə görüşdə ayətullah Xamneyi bildirib ki, Azərbaycanın sabitliyi və təhlükəsizliyi, sakitliyi və ictimai çiçəklənməsi iranlılar üçün vacibdir.

Azərbaycanda islam və şiəlik hökumətin qorumalı olduğu bir dəyərdir. Bunu nə qədər çox etsələr, hökumət düşmən dövlətlərə qarşı mübarizədə cəmiyyətdən daha çox dəstək alacaq”, deyə MEHR agentliyi İran ali liderindən sitat gətirir.

“Xalqlar təkfirçi qrupların sui-qəsdlərinə qarşı mübarizə aparmalıdır. Azərbaycan bəzi dahi islam alimləri üçün dini mərkəzdir. Hökumət xalqı dini ayinlərə və xalqı birləşdirən əməllərə riayət etməyə təşviq etməlidir”, deyə Xamneyi sözünə davam edib.

O, prezident Əliyevin iki dövlət qarşısında duran bütün təhlükə mənbələrinin eyni olması barədə bəyanatını yüksək qiymətləndirib.

Əliyevin sözlərinə görə, Tehran və Bakının sıx münasibətləri var və onun Tehranda İran rəsmiləri ilə danışıqları mühüm və konstruktiv danışıqlardır.

O bildirib ki, Tehran və Bakı beynəlxalq məsələlər üzrə ortaq mövqeyə malikdirlər, İran isə regionda sülh və sabitliyin bərqərar olmasında mühüm rol oynayır: “Biz İranın təhlükəsizliyinə öz təhlükəsizliyimiz kimi baxırıq”.

O, islam dəyərlərinə hörmət etdiyini bildirib və Azərbaycan hökumətinin dini təlimləri təşviq etdiyini qeyd edib.

“Azərbaycan müstəqillik əldə etdiyi andan etibarən 2000 məscid tikilib, onların yarısı mənim hakimiyyətdə olduğum dövrdə tikilib”.

Anti-islam hərəkatları pisləyən Azərbaycan prezidenti bildirib ki, onun ölkəsinə qarşı düşmənçiliyin səbəbi Azərbaycan xalqının dinidir.

“Azərbaycan xalqı islama və şiəliyə etiqad edir, regionda Sizin kimi dahi şəxslərin mövcudluğu isə şiəlik ardıcıllarına enerji və güc verir”, deyə Əliyev Xamneyiyə xitabən bildirib. -02D-