Açiq mənbələrdən foto.
Bakı/07.10.21/Turan: “İranın ali lideri ayətullah Əli Xamneyinin Azərbaycandakı nümayəndəsi Əli Əkbər Ocaq Nicat bir ay əvvəl Azərbaycanı tərk edib”. Bu barədə Turan-a İranın Azərbaycandakı səfirliyindən bildiriblər.
Mənbənin məlumatına görə, “Nicatın gedişinin son hadisələrlə əlaqəsi yoxdur”, o, Tehranda müalicədədir. Mənbə Xamneyinin nümayəndəsinin nə vaxt qayıdacağının planlaşdırıldığını bildirməyib.
Qeyd edək ki, bir neçə gün əvvəl Bakıda Ocaq Nicatın “Hüseyniyyə” məscidində yerləşən ofisi bağlanıb. Bundan sonra Ocaq Nicatın Bakını tərk etməsi haqqında şaiyələr yayılıb.
Bakı və Tehran arasında münasibətlərin gərginləşməsi və qarşılıqlı sanksiyalarla əlaqədar bu fakt xüsusi diqqət cəlb edib. -71D-
Siyasət
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Rusiya prezidenti Vladimir Putin Azərbaycanın AZAL aviaşirkətinə məxsus təyyarənin qəzaya uğramasına dair bəyanatla çıxış etməyi planlaşdırmır. Bu barədə cümə günü Rusiya prezidentinin mətbuat katibi Dmitri Peskov jurnalistlərə bildirib.
-
Bakıdakı "Rus Evi" ətrafında vəziyyət Rusiya və Azərbaycan prezidentləri Vladimir Putin ilə İlham Əliyev arasında müzakirə oluna bilər. Bu barədə Rusiya liderinin mətbuat katibi Dmitri Peskov jurnalistlərlə söhbətində bildirib.
-
Rusiya Xarici İşlər Nazirliyinin mətbuat katibi Mariya Zaxarova Bakıdakı "Rus evi"nin ünvanına ittihamları "absurd" adlandırıb. Fevralın 6-da brifinqdə o deyib ki, Moskva “feykləri” dərc edən KİV-lərin təkzib verməsini gözləyir.
Rəy yaz